சிறுசேமிப்பு வட்டி குறைப்பு: ஏப்., 1 முதல் அமல்

by **rammalar** Sun 20 Mar 2016 - 11:36

புதுடில்லி:
சாதாரண, நடுத்தர குடும்பங்களை பாதிக்கக்
கூடிய வகையில், பி.எப்., எனப்படும் வருங்கால
வைப்பு நிதி, கிசான் விகாஸ் பத்திரம் உள்ளிட்ட
சிறுசேமிப்பு திட்டங்களுக்கான வட்டி விகிதம்
குறைக்கப்பட்டு உள்ளது.
–
பொது சந்தைக்கு ஏற்ப, அதாவது வங்கிகள் வட்டி
விகிதங்களுக்கு ஏற்ப, சிறுசேமிப்பு திட்டங்களுக்கான
வட்டி விகிதம், ஒவ்வொரு காலாண்டுக்கும்
மாற்றியமைக்கப்படும் என, மத்திய அரசு, கடந்த
மாதம், 16ம் தேதி அறிவித்தது.
–
அதன்படி, 2016 – 17 நிதியாண்டில், ஏப்., 1 முதல்,
ஜூன் 30ம் தேதி வரையிலான, முதல் காலாண்டுக்கான
வட்டி விகிதங்கள், நேற்று அறிவிக்கப்பட்டன.
–
இதில், பல்வேறு சிறுசேமிப்பு திட்டங்களுக்கான வட்டி
விகிதங்கள் குறைக்கப்பட்டு உள்ளன. கடந்த மாதம்
16ம் தேதி, தபால் நிலையங்களுக்கான குறுகிய கால
முதலீடுகளுக்கு, 0.25 சதவீதம் வட்டி குறைக்கப்பட்டது.
–
தற்போது பெரும்பாலான சிறுசேமிப்பு திட்டங்களுக்கான
வட்டி குறைக்கப்பட்டு உள்ளது. தபால் நிலைய சிறு
சேமிப்புக்கான வட்டி, 4 சதவீதமாக தொடர்கிறது.
–
புதிய வட்டி விகிதங்கள்:
–
திட்டத்தின் பெயர்- தற்போதைய வட்டி-புதிய வட்டி
–
பி.பி.எப்.-8.7-8.1
கிசான் விகாஸ் பத்ரா-8.7-7.8
தேசிய சேமிப்பு பத்திரம்-8.5-8.1
மாத வருவாய் கணக்கு (5 ஆண்டுகள்)- 8.4-7.8
பெண்குழந்தைகள் சேமிப்பு திட்டம்- 9.2-8.6
–
மூத்த குடிமக்களுக்கான சேமிப்பு திட்டம்
(5 ஆண்டுகள்)- 9.3-8.6
–
கால முதலீடுகள் (1 ஆண்டு)- 8.4-7.1
கால முதலீடுகள் (2 ஆண்டு)- 8.4-7.2
கால முதலீடுகள் (3 ஆண்டு)- 8.4-7.4
கால முதலீடுகள் (5 ஆண்டு)- 8.5-7.9
தொடர் வைப்பு நிதி (5 ஆண்டு)- 8.4-7.4
–
————————————
தினமலர்