நேரடியாக வங்கதேசம் செல்லும் முதல் கப்பல்: கிருஷ்ணப்பட்டினத்தில் அறிமுகம்

by **rammalar** Thu 31 Mar 2016 - 5:48

இந்தியாவில் இருந்து நேரடியாக வங்கதேசம்
செல்லும் முதல் சரக்குக் கப்பல் ஆந்திர
மாநிலத்துக்கு உள்பட்ட கிருஷ்ணப்பட்டினத்தில்
அண்மையில் அறிமுகப்படுத்தப்பட்டது.

இந்த ஒப்பந்தம் மூலம் இரு நாடுகளுக்கும்
இடையிலான வர்த்தகச் செயல்பாடுகள்
அதிகரிக்கும் என எதிர்பார்க்கப்படுகிறது.
-
இது தொடர்பாக கிருஷ்ணப்பட்டினம் துறை
முகத்தின் நிர்வாக இயக்குநர் சிந்தா சசிதர்
கூறியதாவது:-
-
இந்திய- வங்கதேச எல்லைப் பகுதிகளில்
நெருக்கடிகளைக் குறைப்பதில் கப்பல் சேவை
பெரும்பங்கு வகிப்பதோடு, போக்குவரத்து செலவு.
நேரத்தை மிச்சப்படுத்துவதற்கு இது பெரும்
உதவியாக இருக்கும்.
-
இதன் மூலம் சரக்கு போக்குவரத்துக்
கட்டணங்களும் குறைவடையும் என்றார்.
-
இதற்காக பல நிபந்தனைகளை இரு நாடுகளும்
தளர்த்திக் கொண்டுள்ளன. இரு நாடுகளின்
கப்பல்களும் இனி உள்நாட்டுக் கப்பல்களாகவே
கருதப்படும். சுங்கப் பரிசோதனை மையங்களில்
காத்திருந்து மேற்கொள்ள வேண்டிய ஆவண
ரதியான நடைமுறைகளையும் இந்த ஒப்பந்தம்
எளிதாக்குகிறது.
-
இந்தியக் கப்பல்களுக்கு விதிக்கப்படும் துறைமுக
கட்டணங்களே வங்கதேசக் கப்பல்களுக்கும்
வசூலிக்கப்படும். அத்துடன் சரக்குக் கப்பல்களில்
ஏற்றப்படும் சரக்குகளுக்கு ஏற்றப்படும் இடத்திலிருந்து
இறக்கப்படும் இடம் வரை பாதுகாப்பும், காப்பீடும்
உண்டு.
-
இரு நாட்டுக் கப்பல்களின் ஊழியர்களும் சர்வதேச
சான்றிதழ்களைப் பெறத் தேவையில்லை. சுங்க
ஆவணங்கள் தயாரிப்பில் உள்ள சிக்கலான நடை
முறைகளைக் குறைக்கவும் இந்த ஒப்பந்தம் வகை
செய்கிறது. இதனால் சரக்குகளும் சரக்கு பெட்டிகளும்
எளிதாக சுங்கச்சாலைகளைக் கடக்க முடியும்.
-
1974-ல் அப்போதைய பிரதமர் இந்திரா காந்தியின்
முன்னிலையில் இந்தியா- வங்கதேசம் இடையே
வர்த்தக ஒப்பந்தங்கள் கையெழுத்திடப்பட்டபோதும்
பல ஆண்டுகளாக அவை நடமுறையில் இல்லாமல்
இருந்தன.
-
கடந்த ஆண்டு பிரதமர் நரேந்திர மோடி டாக்கா
சென்றபோது இந்த ஒப்பந்தங்கள் புதுப்பிக்கப்பட்டன.
-
--------------------------------
தினமணி