காந்தி உருவம் பொறித்த தங்க காசு ; ‘அட்சய திருதியை’ க்கு அரசு விற்பனை

by **rammalar** Mon 9 May 2016 - 11:07

-புதுடில்லி:
‘அட்சய திருதியை’ தினத்தன்று (9ம் தேதி ) தேச பிதா
காந்தியின் திருவுருவம் மற்றும் அசோக சக்கரம் பதித்த
தங்க நாணங்களை விற்பனை செய்ய மத்திய அரசு
முடிவு செய்துள்ளது.
–
ஆண்டுதோறும், சித்திரை மாதத்தில், வளர்பிறை காலத்தில்
வரும் திருதியை, ‘அட்சய திருதியை’ எனப்படுகிறது.
அந்நாளில், தங்க நகை வாங்கினால், தொடர்ந்து தங்கம்
சேரும் என, மக்களிடையே நம்பிக்கை நிலவுகிறது.
–
அதனால், ஆண்டுதோறும் அந்நாளன்று தங்க நகை வாங்க,
கடைகளில் கூட்டம் அலைமோதும். கடந்த ஆண்டு,
சென்னையில், அட்சய திருதியை தினத்தன்று, 500 கோடி
ரூபாய்க்கும் அதிகமாக விற்பனை நடைபெற்றது.
இந்தாண்டு, வரும், 9ம் தேதி அட்சய திருதியை வருகிறது.
–
”கடந்த ஆண்டை விட, இந்தாண்டு தங்க நகை விற்பனை
வளர்ச்சி, மிதமாகவே இருக்கும்,” என, ஜி.ஜே.எப்., எனப்படும்,
நவரத்தினங்கள் மற்றும் ஆபரணங்கள் கூட்டமைப்பின்
தலைவர் ஸ்ரீதர் தெரிவித்துள்ளார்.
–
இந்நிலையில் காந்தி உருவம், அசோக சக்கரம் பொறித்த
தங்க நாணயங்களை விற்க மத்திய அரசு முடிவு செய்துள்ளது.
இதன்படி 5 கிராமில் காந்தி நாணயமும், 10 கிராமில் அசோக
சக்கரமும் தயாரிக்கப்பட்டுள்ளது. இந்த நாணயங்கள் அதிகம்
விற்கும் என மத்திய அரசு நம்புகிறது.
–
—————————–
dinamalar