வெளிநாட்டு காதலியை மணக்கும் சல்மான்கான்!

by **rammalar** Mon 9 May 2016 - 11:31

-
பாலிவுட் நடிகர் சல்மான்கான் விரைவில் தன்
வெளிநாட்டு காதலியை மணக்கவிருக்கிறார்.
-
‘இந்தி நடிகர் சல்மான்கானுக்கு விரைவில் திருமணம்
நடக்கிறது. வெளிநாட்டு காதலியை அவர் மணக்கிறார்.
-
இந்தி பட உலகில் சூப்பர் ஸ்டாராக இருப்பவர்,
சல்மான்கான். இவருக்கு 50 வயது ஆகிறது. ஆனாலும்
இதுவரை திருமணம் செய்து கொள்ளவில்லை.
-
சல்மான்கான் பேட்டி அளிக்கும் போதெல்லாம் உங்கள்
திருமணம் எப்போது? என்று நிருபர்கள் கேள்வி கேட்க
தவறுவது இல்லை. திருமணம் பற்றி கருத்து
சொல்வதை தவிர்த்து வந்தார்.
-
ஏற்கனவே தன்னுடன் நடித்த 8 நடிகைகளுடன் அவர்
இணைத்து கிசுகிசுக்கப்பட்டார். ஐஸ்வர்யாராய்,
சங்கீதா பிஸ்லானி, சினேகா உள்ளல், கத்ரினாகைப்,
பாகிஸ்தான் நடிகை சோமி அலி உள்ளிட்டோர் இந்த
பட்டியலில் அடக்கம்.
-
சமீப காலமாக இத்தாலியை சேர்ந்த மாடல் அழகி
லூலியாவுடன் நெருக்கமாக இருந்தார்.
-
இருவரும் காதலிப்பதாக கிசுகிசுக்கள் பரவின.
திரையுலகினர் மற்றும் ரசிகர்களுக்கு தெரியாமல்
ரகசியமாக சந்தித்து வந்தனர். வெளிநாடுகளில்
ஜோடியாக சுற்றினார்கள்.
-
சல்மான்கான் பிறந்த நாள் விழா விருந்தில் இவர்கள்
காதல் விவகாரம் அம்பலத்துக்கு வந்தது. இந்த
விருந்தில் லூலியா கலந்து கொண்டார்.
-
தற்போது சல்மான்கானுக்கும் லூலியாவுக்கும் திருமண
ஏற்பாடுகள் நடப்பதாக தகவல் வெளியாகி உள்ளது.
இந்த திருமண தகவலை சல்மான்கானுக்கு
நெருக்கமானவர்கள் உறுதி செய்துள்ளனர். வட இந்திய
பத்திரிகைகள் இதனை தலைப்பு செய்தியாக
வெளியிட்டுள்ளன.
-
இன்னும் ஓரிரு மாதத்தில் இந்த திருமணம் நடக்கும்
என்று கூறப்படுகிறது.
–
————————-