ஜி.எஸ்.டி நிறைவேற்றம் ஜனநாயக முதிர்ச்சியின் அடையாளம்: ஜனாதிபதி பெருமிதம்

by **rammalar** Mon 15 Aug 2016 - 7:49

புதுடில்லி:
பார்லிமென்டில் ஜி.எஸ்.டி. மசோதா அனைத்து கட்சிகளின்
ஆரோக்கியமான விவாதத்திற்கு பின் ஒருமனதாக நிறை
வேற்றப்பட்டுள்ளது இந்திய ஜனநாயகத்தின் முதிர்ச்சிக்கு
சிறந்த அடையாளமாக மாறியுள்ளது என ஜனாதிபதி
பிரணாப் முகர்ஜி பெருமிதத்துடன் தெரிவித்தார்.
-
சுதந்திர தினத்தையொட்டி பிரணாப் முகர்ஜி ஆற்றிய உரை:
நமது நாட்டின் 70 சுதந்திர தினத்தை நாளை கொண்டாட உள்ளோம்.
-
இந்த தருணத்தில் நாட்டின் சுதந்திரத்திற்கு பாடுபட்டு பல்வேறு
தியாகங்கள் செய்த நிஜ ஹீரோக்களை எண்ணி பெருமிதம்
கொள்வோம்.
-
1947 ல் இந்தியா சுதந்திரம் அடைந்த போது ஜனநாயத்தை
பின்பற்றுவதில் நம் நாடு உயர்ந்து விளங்கும் என யாரும்
நம்பவில்லை. ஆனால், நாம் தற்போது உலகின் மிகப்பெரிய
ஜனநாயக சக்தியாக மாறியுள்ளோம்.
-
இந்தியா பல்வேறு கலாசாரம், பண்பாடுகளை உடைய நாடு.
ஒருவர் மற்றொருவரின் கலாசாரத்தை பண்பாட்டை மதிப்பதன்
மூலம் நாடு சிறந்து விளங்க முடியும்.
-
நான் ஜனாதிபதியாக பொறுப்பேற்று ஆற்றும் 5 ஆவது சுதந்திர தின
உரை இது. நமது ஜனநாயகம் நீதி, சுதந்திரம், சமத்துவம்,
சகோதரத்துவம் ஆகிய துாண்களால் கட்டமைக்கப்பட்டிருக்கிறது.
இது நமது வலிமையை அதிகரிக்கும்.
-
நமது நாட்டில் ஆளும் கட்சியும் எதிர்கட்சிகளும் நாட்டின் பாதுகாப்பு,
வளர்ச்சி ஆகிய விஷயங்களில் இணைந்து விவாதித்து செயல்படுவதை
பார்க்க முடிகிறது. இது நல்ல மாற்றம். ஜி.எஸ்.டி மசோதா நிறைவேற்றம்
இந்திய ஜனநாயகத்தின் முதிர்ச்சிக்கு உதராணமாக உள்ளது. ஜி.எஸ்.டி
தொடர்பாக பார்லிமென்டில் நடந்த விவாதங்கள் சிறந்து
-
முன்னுதாரணமாக பார்க்கிறேன்.
நாட்டில் வாழும் பெண்களையும் குழந்தைகளையும் பாதுகாப்பதில்
நாம் பல முறை தோற்றுள்ளோம். பெண்கள், குழந்தைகளை
பாதுகாப்பதன் மூலம் சமுதாயத்தில் முன்னேற்றம் கொண்டு வர
முடியும்.
-
நாட்டில் பல பகுதிகளில் 2 ஆண்டுகளாக வறட்சி நிலவிய போதும்
பொருளாதாரம் கட்டுக்குள் வைத்திருந்தோம்.
-
மதங்களின் பெயரால் உலகம் முழுவதும் பயங்கரவாத சம்பவங்கள்
அதிகரித்த வண்ணம் உள்ளது. பயங்கரவாதத்தை அனைத்து
நாடுகளும் ஒன்றிணைந்து எதிர்க்க வேண்டும். இதில் எந்த மாற்று
கருத்தும் இருக்க முடியாது. இவ்வாறு அவர் பேசினார்.
–
———————————-