ஒலிம்பிக் பாட்மின்டன்: அரையிறுதியில் சிந்து

by **rammalar** Wed 17 Aug 2016 - 16:04

-
ரியோ டி ஜெனிரோ :
-
ஒலிம்பிக் பாட்மின்டனில் இந்திய வீராங்கனை சிந்து
அரையிறுதிக்கு முன்னேறி அசத்தினார்.
-
பிரேசிலில் நடைபெறும் ஒலிம்பிக் போட்டியின் பேட்மின்டன்
பிரிவில், இந்திய வீராங்கனை சிந்து ‘ரவுண்ட் 16’ போட்டியில்
சீன தைபேயின் டாய் இங்கை வீழ்த்தி காலிறுதிக்கு
முன்னேறினார். காலிறுதியில் அவர் உலகின் 2ம் நிலை
வீராங்கனையான சீனாவின் இகான் வாங்கை எதிர் கொண்டார்.
-
காலிறுதியில் இருவரும் சளைக்காமல் போராடி புள்ளிகள்
எடுத்ததால், ஆட்டத்தில் அனல் பறந்தது. முதல் செட்டை 22-20 என
போராடி வென்ற சிந்து, 2வது சுற்றிலும் 21-19 என்ற புள்ளிக்
கணக்கில் வெற்றி பெற்று அரையிறுதிக்கு முன்னேறினார்.
-
கடந்த ஒலிம்பிக்கில் இகான் வாங் வெள்ளிப்பதக்கம் வென்றது
குறிப்பிடத்தக்கது.
–
2வது வீராங்கனை :
–
சாய்னாவுக்குப் பிறகு ஒலிம்பிக் அரையிறுதிக்கு தகுதி பெற்ற
2வது இந்திய வீராங்கனை என்ற சிறப்பை பெற்றுள்ளார் சிந்து.
முன்னதாக கடந்த லண்டன் ஒலிம்பிக்கில் சாய்னா
அரையிறுதிக்கு முன்னேறியதுடன், வெண்கலப் பதக்கம்
வென்றிருந்தார்.
–
———————————–
தினமலர்