கவர்ச்சி – ஆபாசம் எல்லைக்கோடு எது?

by **rammalar** Sat 27 Aug 2016 - 14:12

-
ஏறக்குறைய எல்லா நடிகைகளுமே இன்று ‘ஆபாசமாக நடிக்க மாட்டேன். ஆனால் கவர்ச்சியாக நடிக்க ஆட்சேபணை எதுவும் இல்லை’ என்று தான் சொல்கிறார்கள். இவர்கள் சொல்லும் இந்தக் கவர்ச்சிக்கும், ஆபாசத்திற்கும் எல்லைக்கோடுதான் எது என்று சில நடிகைகளைக் கேட்ட போது :

ரத்தி

ஜவர்ச்சி என்பது கலை நுணுக்கம் கலந்த ஒன்றாகும். அதாவது உடலை அங்கும் இங்குமாகத் தெரிந்தும், தெரியாமலும் காட்டும் போது அது கவர்ச்சியாகும். அப்படி இல்லாமல் உடலைக் கலைநயம் இல்லாமல் திறந்து போட்டு, வெளிச்சம் கூட்டிக் காட்டும்போது அது ஆபாசமாகிறது. காட்டுகிற விதத்தில்தால் கவர்ச்சிக்கும் ஆபாசத்திற்கும் வித்தியாசம் இருக்கிறதே ஒழிய, கட்டுகின்ற உடல் பகுதியில் எதுவுமில்லை என்பது என் கருத்து. எனவே இந்த எல்லைக்கோடு கலைக்கும் கண்றாவிக்கும் இடையிலுள்ளது. ஒரு துண்டு துணிக்கூட இல்லாத முழு நிர்வாணப் பெண்ணைக் கூட கவர்ச்சியாகப் படமெடுத்துக் காட்டக் கூடிய அதே நேரத்தில் முழு உடையிலிருக்கும் பெண்ணைக் கூட ஆபாசமாகப் படமெடுக்க முடியும். கவர்ச்சிக்கும், ஆபாசத்திற்கும் எல்லைக்கோடு இங்கேதான் இருக்கிறது.

by **rammalar** Sat 27 Aug 2016 - 14:13

மாதவி

கவர்ச்சி என்பது ஒன்று. ஆபாசம் என்பது மற்றொன்று. இரண்டையும் ஒன்றாகப் போட்டுக் குழப்பக் கூடாது. உதாரணத்திற்கு ஒன்று சொல்கிறேன். கையில்லாத ரவிக்கையைப் போட்டுக் கொண்டு ஒரு பெண் காட்சி தந்தால் அது கவர்ச்சி. ஆனால் அதே பெண்ணே வெறும் பிராவுடன் காட்சி தந்தால் அது ஆபாசம். பெண்ணின் உடலிலிருக்கும் வளைவு நெளிவுகளை சூசகமாக கற்பனைக்கும், கனவிற்கும் இடம் கொடுத்துப் படமெடுத்துக் காட்டும்போது அது கவர்ச்சியாகிறது. ஆனால் அதே வளைவு நெளிவுகளை ஆடை நீக்கிக் குரூரமாகக் காட்டும்போது அது ஆபாசமாகிறது
-

கவர்ச்சி – ஆபாசம் எல்லைக்கோடு எது?

கவர்ச்சி – ஆபாசம் எல்லைக்கோடு எது?

Re: கவர்ச்சி – ஆபாசம் எல்லைக்கோடு எது?