கொள்கை சகோதரனின் பிரியாவிடை

by **Abdul Azeez** Sat 1 Oct 2016 - 4:18

என் நண்பா
நான் உன்னை காண்பது எல்லாம்
நட்புக்கு இலக்கணமாகத் தான்
உன் முகத்தில் நான் புன்னகையை காண்கிறேன்
ஆனால் என் அகத்தில் உள்ள வேதனையை யார் காண்பார்

இங்கு நீ கண்ட கனவைக்
கண்டவன் நான்
நான் கொண்ட கொள்கையைச் சொன்னவன் நீ
எம் கனவை விலை பேசியவர்கள்
பேர் பெற்ற அடிமைகள்
வாழத் தெரிந்த கோழைகள்
நாமோ இன்றும்

போராட்ட வீரர்கள்
இன்று முதல் நானும் நீயும் ஒரு அணி
தொடங்குவோம் வாழ்கையில் வெற்றிப் பணி

நான் உருவாக்கிய சில பேர்
என்னை வீரனாக்கி
அன்புக்காக துரோகத்தை
காணிக்கையாகத் தந்த வேலை......
நீ மாத்திரம் ஏன்
கொள்கையால் என்னை முடி சூட்டினாய்
இது ஒரு பிரியாவிடையல்ல
நம் ஒற்றுமையின் பிரியம் பிறர் காணும் நேரம்
நான் பலருக்கு கவி பாடி இருக்கிறேன்
மேடை கிடைத்தது
உனக்கு கவி பாட மேடையில்லை இன்று

இரு நண்பா!
இன்னும் சில நாட்களில்
உன் பயணத்தில் நான் அங்கத்தவன் ஆகிறேன்
கல்லூரி வாழ்கைக்கு கடைசி வரி எழுதுகிறேன்
இன்றும் சொல்கிறேன்.......
இங்கே தலைவர்கள் நல்லவர்கள்
தொண்டர்கள் கெட்டவர்கள்

தொண்டர்களால் பாதை மாறும்
தலைவர்கள் இருக்கும் சமூகத்தில்
நமக்கு இங்கே வேலை கிடையாது
இரு நண்பா நானும் வருகிறேன்...
உன்னுடன் சில நாட்களில்
என் கல்லுரிக் கவிதைக்கு முற்றுப் புள்ளி வைத்துவிட்டு......ll

A.W.Abdul Azeez