தலைநகரில் 100 ஆண்கள் டி.என்.ஏ பரிசோதனைக்கு அழைப்பு..

by *சம்ஸ் Fri 5 Nov 2010 - 10:33

டென்மார்க் தலைநகரில் இனந்தெரியாத நபர் ஒருவர் பெண்மணி ஒருவரைக் கொன்று, மேலும் பலரை பாலியல் பலாத்காரம் செய்தும், பிடிபடாமல் தலைதப்பி வாழ்ந்து வருகிறார் என்று போலீசார் சந்தேகிக்கிறார்கள். பல பாலியல் பலாத்காரங்களில் தொடர்புடையதாக சந்தேகிக்கப்படும் இவரை மடக்கிப் பிடிப்பதற்கான முயற்சியில் டி.என்.ஏ பரிசோதனையை முக்கிய கருவியாக எடுத்துள்ளனர் பொலீசார். இதன்பொருட்டு தலைநகரில் உள்ள 101 ஆண்களுக்கு போலீசாரால் அழைப்பு விடுக்கப்பட்டுள்ளது. இந்தப் பரிசோதனை நூற்றில் ஒருவராக குற்றவாளி மறைந்திருந்தால் அவரை அடையாளம் காண முடியும், இல்லையேல் மேலும் பலர் அழைக்கப்படலாம். இந்தப் பரிசோதனைக்கு அழைத்தவர்கள் வர மறுத்தால் கட்டாயமாக பிடித்து சென்று நீதிமன்றில் நிறுத்தப்படுவர். கடந்த 25 செப்டெம்பர் 17 வயது யுவதியை பாலியல் பலாத்காரம் செய்த நபர் தான் பாவித்த ஆணுறையை தவறுதலாக வீசிச் சென்றிருந்தார். இந்த உறை மூலம் குற்றவாளியின் டி.என்.ஏ தகவல் போலீசாருக்கு கிடைத்துள்ளது. கடந்த 20 வருடங்களுக்கு முன் அமேயர் பகுதியில் கொல்லப்பட்ட பெண்மணி 2005ம் ஆண்டு 24 வயது யுவதி மீதான பாலியல் பலாத்காரம் போன்ற செயல்களுக்கும் இவருக்கும் தொடர்புள்ளதாக சந்தேககிக்கப்படுகிறது. அழைப்பு விட்டவர்களில் சாதாரணமானவர்களும் உண்டு அதேவேளை பெண்களுடன் ஏதோ ஒரு விதத்தில் முறைதவறிய குற்றச்சாட்டுள்ளவர்களும் சிலர் இடம் பெறுகிறார்கள். அதேவேளை இந்த ஆண்டு தலைநகர் கொங்க லுண்ட்ஸ் வழியில் மரணித்த 17 வயது யுவதியின் கொலை தொடர்பான துப்பும் கிடைக்குமா என்று பார்க்கிறார்கள்