சூபி கதைகள்

by **ந.க.துறைவன்** Mon 16 Jan 2017 - 6:52

பணம்.

ஒரு சூபி ஞானிக்குக் கொஞ்சம் பணம் கொடுப்பதற்காக செல்வந்தர் ஒருவர் வந்தார். ஆனால் ஞானி அதை வாங்கிக் கொள்ளவில்லை.
அவர் சொன்னார்.
“ எனக்கு உங்கள் பணம் தேவையில்லை. என்னிடம் ஒரே ஒரு நாணயம் இருக்கிறது ”.
செல்வந்தர் சொன்னார்.
“ அந்த ஒரு நாணயம் உங்களுக்கு எத்தனை நாளைக்கு வரும். அது மிகவும் அற்பமான தொகை ”.
ஞானி பதில் சொன்னார்.
“ என்னிடம் இருக்கும் இந்த ஒரு நாணயம் தீரும்வரை நான் உயிருடன் இருப்பேன் என்று உங்களால் உறுதியாகச் சொல்ல முடியுமா? அப்படி உங்களால் சொல்ல முடிந்தால் நீங்கள் கொடுக்கும் இந்தப் பணத்தை நான் வாங்கிக் கொள்கிறேன் ”.

ஆதாரம் ; சூபி கதைகள் – தமிழில் – யூமா வாசுகி – பக்கம் – 105 – 106.
தகவல்; ந.க.துறைவன்.

*

by **ந.க.துறைவன்** Tue 24 Jan 2017 - 13:11

சூபி கதை.

பார்வையற்ற வழிகாட்டி.

ஞானத்தைத் தேடும் ஒருவர், லுக்மான் எனும் சூபி குருவிடம் கேட்டார்
“ நீங்கள் யாரிடம் ஞானத்தைப் பெற்றுக் கொண்டீர்கள்? ”
அவர் சற்றும் யோசிக்காமல் பதில் சொன்னார்
“ பார்வையற்ற ஒருவரிடமிருந்து. பார்வையற்ற எவரும் முன்கூட்டியே கவனிக்காமல் ஒரு அடி முன்னால் வைப்பதில்லை. அவர்கள் எங்கும் விழுவதில்லை. பெரும்பாலும், கண்ணுள்ளவர்கள் தான் விழுகிறார்கள். அதையறிந்த போது என் கவனம் அதிகரித்தது. வழியும் தெரிந்தது ”.

ஆதாரம் ; சூபி கதைகள் – தமிழில் : யூமா வாசுகி. பக்கம் – 31.

தகவல் ; ந.க.துறைவன்.

by **பானுஷபானா** Wed 25 Jan 2017 - 13:41

கதைகள் அருமை

by Sponsored content

சூபி கதைகள்

சூபி கதைகள்

Re: சூபி கதைகள்

Re: சூபி கதைகள்

Re: சூபி கதைகள்