எரிக்கப்பட்ட காரில் பிணம்: குழப்பத்தில் பிரிட்டன் பொலிசார்

by **நண்பன்** Mon 28 Feb 2011 - 22:26

தென்கிழக்கு லண்டனில் எரிக்கப்பட்ட காரில் டிரைவரின் இருக்கைக்கு அடியே கிடந்த 21 வயது நபரின் உடலை பொலிசார் கண்டுபிடித்தனர்.இதனைத்
தொடர்ந்து கொலை விசாரணை துவக்கப்பட்டுள்ளது. பிளாக் ஹீத் பகுதியில்
ரோந்தில் ஈடுபட்ட பொலிசார் நீல நிற மெர்சிடஸ் கார் தீப்பிடித்து எரிவதை
கண்டனர்.
தீயணைப்புத் துறையினர் நிகழ்விடத்திற்கு விரைந்து தீயை அணைத்து காரில்
இருந்த நபரின் உடலை எடுத்தனர். கருகி உயிரிழந்த நபரின் பெயர் ககன் தீப்சிங்
என தெரிவிக்கப்பட்டது.
ஸ்காட்லாந்து துப்பறிவாளர்கள் இது குறித்து கூறுகையில்,"இந்த கொலை
நோக்கமின்றி நடந்ததாக கருதவில்லை" என்றனர். துப்பறியும் பிரிவின் தலைமை
இன்ஸ்பெக்டர் டாமியன் அலியன் ககன் தீப்சிங் மர்மமான முறையில் இறந்து
கிடப்பது குறித்து, ஆங்கர் ஸ்டெய்ன் சந்துப்பகுதி அல்லது அதைச்சுற்றியுள்ள
நபர்கள் இந்த கார் தானாக எரிந்ததா அல்லது மர்ம நபர்கள் காரை எரிந்த
நிலையில் விட்டுச் சென்றார்கள் என்பதை தெரிவிக்க வேண்டுகிறோம் என அவர்
வேண்டுகோளில் தெரிவித்துள்ளார்.
தென்கிழக்கு லண்டன் பகுதியில் எரிந்து போன மெர்சிடஸ் கார் இந்த
பகுதிக்கு எவ்வாறு வந்தது போன்ற விசாரணைக்கு மக்கள் உதவ வேண்டும் என
பொலிசார் கோரிக்கை விடுத்துள்ளனர்.