தென்மேற்கு பருவமழை மே 25ல் துவங்க வாய்ப்பு

by **rammalar** Thu 13 Apr 2017 - 11:07

திருவனந்தபுரம்:
நடப்பு ஆண்டில், தென்மேற்கு பருவமழை காலம்
மே மாதம், 25ம் தேதி துவங்கி வாய்ப்பு உள்ளது.

இது குறித்து இந்திய வானிலை ஆய்வு மைய முன்னாள்
இயக்குனர் மற்றும் ஆராய்ச்சியாளர் ஜோசப் கூறியதாவது:

தென் மேற்கு பருவமழை காலம் என்பது வழக்கமாக
ஆண்டுதோறும் ஜூன், 1ம் தேதி துவங்கி, செப்., 30ம் தேதி
வரை நீடிக்கும்.

நடப்பு ஆண்டில் தென்மேற்கு பருவமழை காலம், கேரளாவில்
மே மாதம், 25ம் தேதி துவங்க வாய்ப்பு உள்ளதாக கணிப்புகள்
தெரிவிவிக்கின்றன.

பசிபிக் பெருங்கடலின் மேற்பகுதியில் வெப்ப காற்று வீசுவதை
எல் நினோ என அழைக்கின்றனர். இது, இந்திய பருவமழையில்
பாதிப்பு ஏற்படும். அந்த வகையில், விரைவில்துவங்க உள்ள
தென் மேற்கு பருவமழையின், இரண்டாவது கால கட்டத்தில்,
எல் நினோ பாதிப்பு துவங்கலாம்.

இதனால், தேசிய சராசரியை விட பருவமழை அளவு குறையலாம்.

மழை மேகங்கள்

வழக்கமாக ஜூன், 1ம் தேதி பருவமழை காலம் துவங்கும்
முன், வங்க கடலில், ஏப்., 21ம் தேதி முதல் மழை மேகங்கள்
திரள தொடங்கும். தற்போது அதற்கான அறிகுறிகள் இருப்பதாக,
செயற்கைகோள் படங்கள் தெரிவிக்கின்றன.

எனவே, மே, 25ம் தேதி பருவமழை காலம் துவங்கலாம்.இவ்வாறு
அவர் கூறினார்.
-

by **rammalar** Thu 13 Apr 2017 - 11:07

அக்னி நட்சத்திரம் மே 5ம் தேதி துவக்கம்வெயில் தாக்கம் குறைவாக இருக்கும் என கணிப்பு
-

இதுகுறித்து, ஸ்ரீதணிகை பஞ்சாங்கம் பாலு சரவண சர்மா கூறியதாவது:

பூமத்திய ரேகைக்கும், கடக ரேகைக்கும் நடுவில்,
சூரியன் பயணிக்கும் காலம், இந்திய தீபகற்பத்தின் வெப்ப காலம்.

புவி மைய கோட்பாட்டின் அடிப்படையில், பரணி நட்சத்திரத்தின்,
மூன்றாம் பாதத்தில் இருந்து, ரோகிணி நட்சத்திரத் தின்,
இரண்டாம் பாதம் வரை, சூரியன் பிரவேசிக்கும் காலம்,
அக்னி நட்சத்திர காலம்.

இந்த காலத்தில், கார்த்திகை நட்சத்திரத்தின் ஊடாக, சூரியன்
பயணிக்கும் காலம், 'கத்திரி' என, பாரதீய வானியலாளர்கள்
கணித்துள்ளனர். இதற்கு முந்தைய காலம், 'முன் கத்திரி'
என்றும், பிந்தைய காலம் 'பின் கத்திரி' என்றும் அழைக்கின்றனர்.

'கத்திரி' காலத்தில், வெப்பம் மிக அதிகமாக இருக்கும்.

நடப்பு ஆண்டில், மே, 5ம் தேதி அதிகாலை, 2:23 மணிக்கு,
அக்னி நட்சத்திரம் துவங்குகிறது. 29ம் தேதி, காலை,
7:14 மணிக்கு, முடிகிறது.

'கத்திரி' காலம், மே, 11ம் தேதி இரவு, 11:47 மணிக்கு துவங்கி,
மே, 25ம் தேதி, இரவு, 7:54 மணிக்கு முடிகிறது.

நடப்பு ஆண்டில், புதன் - சுக்கிரன் சமீபத்தில் இருப்பதால்,
அக்னி நட்சத்திர காலத்தில், வெயிலின் தாக்கம் குறைவாகவே
இருக்கும். கோடை மழை பெய்ய வாய்ப்பு உள்ளது

.ஜூன், முதல் வாரத்தில், வெயிலின் உக்கிரம் அதிகரிக்க
வாய்ப்பு உள்ளது.

40 டிகிரி செல்சியஸ்
-
தமிழகத்தில், மே மாதத்தில், சராசரியாக, அதிகபட்சம்
40 டிகிரி செல்சியஸ் வெயிலே பதிவாகும் என, எதிர்பா
ர்க்கப்படுகிறது.கடந்த ஆண்டு, அதிகபட்ச மாக, 43 டிகிரி
செல்சியஸ் வெப்பம் பதிவானது.

எனவே, இதோடு ஒப்பிடுகையில், நடப்பு ஆண்டில் வெயிலின்
தாக்கம் குறைவாக வே இருக்கும்.

அக்னி நட்சத்திர காலத்தில், பூமி பூஜை, கிரக ஆரம்பம்,
கிணறு வெட்டுதல், மரம் நடல், மொட்டை அடித்தல்
போன்றவற்றை தவிர்க்க வேண்டும்.
இவ்வாறு, அவர் கூறினார்.

- நமது சிறப்பு நிருபர் -
தினமலர்

தென்மேற்கு பருவமழை மே 25ல் துவங்க வாய்ப்பு

தென்மேற்கு பருவமழை மே 25ல் துவங்க வாய்ப்பு

Re: தென்மேற்கு பருவமழை மே 25ல் துவங்க வாய்ப்பு