வாழ்க்கையை மேம்படுத்த உதவும் நற்சிந்தனைகள் !!!

by **rammalar** Thu 27 Jul 2017 - 7:42

அதிகம் செய்வது சிறந்தது என்ற கருத்தை மாற்றிக் கொண்டு,
குறைவாக செய்வதில் நிறைய பலன் உண்டு என்று நினைத்து
நடவுங்கள், வாழ்வில் மகிழ்ச்சி ஆரம்பித்துவிடும்.
–
தேவையில்லாத விடயங்களை அங்குலம் அங்குலமாக யோசித்து,
யோசித்து அலட்டிக் கொள்வதால் காலமும் நேரமும் விரயமாகிறதே
அல்லாமல் வேறெதுவும் நடப்பதில்லை என்பதை உணர்ந்து
கொள்ளுங்கள்.
–
அச்சத்தினால் ஒத்திப் போடும் பழக்கமே உங்கள் பகைவனாகும்.
அதை நிர்மூலம் செய்வதில்தான் வெற்றி தங்கியுள்ளது.
–
நமது மனோ நிலையில் பொதிந்துள்ள ஆற்றல்தான் முடிவைத்
தீர்மானிக்கப் போகிறது.
ஆக்கபூர்வமான எதிர்பார்ப்பை தெரிவு செய்யுங்கள் !
வெற்றியை எதிர் பாருங்கள்.
–
இடர்களை எதிர் கொள்ளத் துணிந்தவன் மட்டுமே
உண்மையில் சுதந்திர மனிதனாகும்.
இடர்களை எதிர் கொள்ள தயங்குவோர் விலங்கு பட்டியல்
அடிமைகள்.
—
அன்றாட வாழ்க்கையில் மூழ்கிப் போவதால் கனவுகளை
நிறைவேற்ற முடியாமல் போய்விடுகிறோம்.
ஒரு கட்டத்தில் இலட்சியத்தையே மறந்துவிடுகிறோம்.
ஆகவேதான் நேரத்தை நழுவ விட்டுவிடக் கூடாது.
–
பணப்பற்றாக்குறை இருக்கிறது என்ற எண்ணத்தை
முளையிலேயே கிள்ளி எறிந்துவிடுங்கள். என்வாழ்வில்
ஏராளமாக பணம் சேர்கிறது என்ற எண்ணத்தை மனதிற்கு
வழங்கி அமைதி காணுங்கள்,
பின்னர் அவதானியுங்கள் வளங்கள் பெருகியிருக்கக்
காண்பீர்கள்.
—
ஒரு பிரச்சனையை தீர்ப்பதற்கு 25 விதமான வழி முறைகள்
உள்ளன. எனவேதான் உங்கள் பிரச்சனைகளை தீர்ப்பதற்கு
பல்வேறு விதமான வழிகளை தேடுவதில் நாட்டம் காணுங்கள்.
—
இந்த வாரமாவது உங்கள் வேக வியாதியை கொஞ்சம்
ஒத்தி வையுங்கள், சாவகாசமாக, நிதானமாக செயற்படுவதில்
உள்ள பரவசத்தை அனுபவியுங்கள்.
–