கலாம் மணிமண்டபத்தை திறந்துவைத்தார் பிரதமர் மோடி

by **rammalar** Fri 28 Jul 2017 - 18:58

ராமேஸ்வரம், பேக்கரும்பில் உள்ள கலாம் நினைவு மணி
மண்டபத்தை பிரதமர் மோடி திறந்துவைத்தார்.
-
முதலில் கலாம் நினைவு மணி மண்டபத்துக்கு முன்புள்ள
தேசியக் கொடியை ஏற்றினார் மோடி. பிறகு முன்னாள்
குடியரசுத் தலைவர் ஏபிஜே அப்துல் கலாம் நினைவிடத்தில்
ரூ.20 கோடி மதிப்பில் கட்டப்பட்டுள்ள மணிமண்டபத்தை
பிரதமர் மோடி நாட்டுக்கு அர்ப்பணித்தார்.
-
அடுத்ததாக கலாம் வீணை வாசிப்பது போன்ற சிலையைத்
திறந்துவைத்தார். அவருடன் தமிழக பொறுப்பு ஆளுநர்
வித்யா சாகர் ராவ், முதல்வர், முன்னாள் மத்திய அமைச்சர்
வெங்கய்ய நாயுடு ஆகியோர் உடனிருந்தனர்.
-
சிலை திறப்புக்குப் பிறகு கலாமின் கல்லறைக்கு மோடி
மலர் வளையம் வைத்து அஞ்சலி செலுத்தினார். கலாம்
சகோதரர் மற்றும் குடும்பத்தினரை மோடி சந்தித்துப்
பேசினார்.

அக்னி ஏவுகணை மாதிரி, கலாம் பயன்படுத்திய பொருட்கள்
ஆகிவற்றையும் பிரதமர் மோடி பார்வையிட்டார்.
குடியரசுத் தலைவராக கலாம் பதவியேற்றபோது குதிரைகள்
பூட்டப்பட்ட சாரட் வண்டியில் வருவது,
சகோதரர் முத்து மீரா மரைக்காயர், உலகத் தலைவர்கள்
மற்றும் குழந்தைகளுடன் கலாம் இருக்கும் ஓவியங்கள்,
மேலும், குழந்தைகளுடன் கலாம் விளையாடுவது,
குழந்தைகளுடன் கிரகங்களை பார்வையிடுவது,
குழந்தைகளை புத்தகங்கள் படிக்கத் தூண்டுவது,
குழந்தைகளை கைதூக்கி உதவுவது ஆகிய சிலைகளையும்
மோடி பார்வையிட்டார்.
-
--------------------------------
தி இந்து