தீபாவளி முதல் தியேட்டர்கள் மூடல்: உரிமையாளர்கள்

by **rammalar** Wed 4 Oct 2017 - 19:48

அக்டோபர் 3
-
மதுரை:
கேளிக்கை வரியை தமிழக அரசு வாபஸ் பெறாவிட்டால்
தீபாவளி முதல் தியேட்டர்கள் மூடப்படும் என 6 மாவட்ட
தியேட்டர் உரிமையாளர்கள் அறிவித்துள்ளனர்.
இது குறித்து கூறப்படுவதாவது:

கடந்த சில தினங்களுக்கு முன்னர் தமிழக அரசு சினிமா
டிக்கெட்டுகளுக்கான கேளிக்கை வரியை உயர்த்தியது.
இதனையடுத்து மதுரை ,ராமநாதபுரம், திண்டுக்கல்,
விருதுநகர் , சிவகங்கை தேனி மாவட்ட தியேட்டர்
உரிமையாளர்கள் கூட்டம் நடைபெற்றது.

இதில் தமிழக அரசு உயர்த்திய கேளிக்கை வரியை தீபாவளிக்கு
முன்னர் வாபஸ் பெறாவிட்டால் முதல் மதுரை உட்பட
6 மாவட்டங்களில் தீபாவளி முதல் தியேட்டர்கள் மூடப்படும் என
அறிவித்துள்ளனர்.

கோரிக்கைகளை ஏற்கும் வரைக்கும் மூடல்

கேளிக்கை வரியை ரத்து செய்யக்கோரி சென்னை, காஞ்சிபுரம்,
திருவள்ளூர் திரையரங்க உரிமையாளர்கள் தியேட்டர்களை
மூட முடிவு செய்துள்ளனர்.
கூட்ட தீர்மானத்தில் கூறப்பட்டிருப்பதாவது:

டிக்கட் கட்டண உச்சவரம்பு, திருட்டு டிவிடிக்களை ஒழிப்பது
குறித்து தமிழக அரசு உத்தரவாதம் அளிக்க வேண்டும் என
தீர்மானம் நிறைவேற்றப்பட்டது.

-
------------------------------------
தினமலர்