20 வாரத்துக்கு மேல் வளர்ச்சி கொண்ட கருவை கலைப்பதற்கான நிரந்தர வழிமுறை

by **rammalar** Mon 16 Oct 2017 - 4:58

புதுடெல்லி,

கற்பழிப்பு மூலம் உருவானது மற்றும் இயல்புக்கு மாறான
வளர்ச்சி கொண்ட கரு போன்றவை 20 வாரத்துக்கும்
மேற்பட்ட வளர்ச்சி கொண்டிருந்தாலும் அவற்றை கலைக்க
அனுமதி அளிப்பது தொடர்பாக மேற்படி சட்டத்தில் திருத்தம்
கொண்டு வர வேண்டும் என கர்நாடகாவை சேர்ந்த
அனுஷா ரவீந்திரா என்பவர் சுப்ரீம் கோர்ட்டில் வழக்கு
தொடர்ந்தார்.

இத்தகைய விதிவிலக்கான வழக்குகளில் 20 வாரத்துக்கு மேற்பட்ட
வளர்ச்சி கொண்ட கருவை கலைப்பதற்கு அனுமதி அளிப்பது
தொடர்பாக நிரந்தர வழிமுறையை உருவாக்குவதற்கான குழு
ஒன்றையும் அமைக்க வேண்டும் எனவும் அந்த மனுவில் அவர்
குறிப்பிட்டு இருந்தார்.

இந்த வழக்கை தலைமை நீதிபதி தீபக் மிஸ்ரா தலைமையிலான
அமர்வு விசாரித்து மேற்படி நிரந்தர வழிமுறைகளை
உருவாக்குவதற்கான வழிகாட்டு நெறிமுறைகள் வகுப்பது
தொடர்பாக 4 வாரங்களுக்குள் பதிலளிக்குமாறு மத்திய சுகாதாரம்,
பெண்கள் மற்றும் குழந்தைகள் மேம்பாட்டுத்துறை
அமைச்சகத்துக்கும், இந்திய மருத்துவ கவுன்சிலுக்கும் அறிவுறுத்தி
உள்ளது.

எனினும் இந்த விவகாரத்தில் இந்திய கருக்கலைப்பு சட்டம்
1971–ல் திருத்தம் மேற்கொள்ள சுப்ரீம் கோர்ட்டு மறுத்துவிட்டது.
-
-----------------------------------
தினத்தந்தி