இந்தியாவில் ஏர் - டாக்சி இயக்குவது சாத்தியம்'

by **rammalar** Wed 1 Nov 2017 - 7:45

சிங்கப்பூர்:
'போக்குவரத்து நெரிசலில் திணறும் டில்லி, மும்பை, பெங்களூரு,
சென்னை போன்ற முக்கிய நகரங்களில், 'ஏர் - டாக்சி' சேவையை
அளிக்க சாத்தியம் உள்ளது;

அதற்கான திட்டங்களை தயாரித்து வருகிறோம்' என, அமெரிக்க
நிறுவனம் தெரிவித்துள்ளது.

அமெரிக்காவைச் சேர்ந்த, 'விமானா குளோபல்' நிறுவனம்,
அந்நாட்டில், 'ஏர் - டாக்சி' சேவையை அளிக்கிறது.

பல்வேறு நாடுகளிலும், இந்த சேவையை அளிப்பதற்கான முயற்சியில்,
அந்நிறுவனம் ஈடுபட்டுள்ளது. அதன்படி, ஆசிய நாடான, சிங்கப்பூரில்
சோதனை செய்து வருகிறது.

இந்நிறுவனத்தின் தலைமை செயல் அதிகாரி, ஏவ்கெனி போரிசோவ்
கூறியதாவது:பல்வேறு நாடுகளில் உள்ள முக்கிய நகரங்களில்,
போக்குவரத்து நெரிசல் முக்கிய பிரச்னையாக உள்ளது.

இதனால், தொழிலதிபர்களும், மூத்த அதிகாரிகளும் பயணம்
செய்வதில், சிக்கல் ஏற்படுகிறது. இது போன்றவர்களுக்கு உதவுகிறது,

ஏர் - டாக்சி சேவை. இந்தியாவில், டில்லி, மும்பை, பெங்களூரு,
சென்னை போன்ற நகரங்களில் உள்ளவர்களுக்கு, இந்த சேவையை
அளிப்பதற்கான சாத்தியக்கூறுகள் உள்ளன.

அதற்கான திட்டங்களை வகுத்து வருகிறோம்.இவ்வாறு அவர் கூறினார்.
-
-------------------------------
தினமலர்