1 மாதத்திற்குள் 72 மாவட்டத்திற்கு திடீர் பயணம்: மாயாவதி சாதனை

லக்னோ: உத்தரபிரதேச முதல்வர் மாயாவதி மாநிலம் முழுவதும் உள்ள 72 மாவட்டங்களுக்கு ஒரு மாதகாலத்திற்குள் நேரில் சென்று வளர்ச்சிப்பணிகள் குறித்து ஆய்வு செய்து சாதனைபடைத்துள்ளார். உத்திரபி‌ரதேச மாநில முதல்வர் மாயாவதி அரசின் பல்வேறு திட்டங்கள், வளர்ச்சிப்பணிகள் முறையாக நடைபெறுகின்றனவா என்பதை நேரில் ஆய்வு செய்ய கடந்த சில வாரங்களுக்கு முன் திட்டமிட்டிருந்தார். இவரது அதிரடி பயணத்தினை காங்கிரஸ், சமாஜ்வாதி உள்ளிட்ட எதிர்க்கட்சிகள் கடும் விமர்சனம் செய்து வந்தன. உ.பி.யில் மொத்தம் 72 மாவட்டங்கள் உள்ளன.இதில் பரேலி, பிலிபித், ஷாஜஹானாபூர் ‌போன்ற பெரிய நகரங்கள், 81 அம்பேத்கர் கிராமங்கள், 81 தலித் கிராமங்கள், 81 அரசு மருத்துவமனைகள், 148 தாலுகா போலீஸ் நிலையங்கள் என 72 மாவட்டங்களுக்கும் ஒரு மாதகாலத்திற்குள் நேரில் சென்று அங்குள்ள ஐ.ஏ.எஸ். ஐ.பி.எஸ், அதிகாரிகளிடம் ஆலோசனை நடத்தியதுடன், அரசின் திட்டங்கள் மக்களிடம் சென்றடைந்துள்ளனவா என்றும், வளர்ச்சிப்பணிகள் குறித்தும் ஆய்வுசெய்தார். இதில் கடமை தவறிய சில அதிகாரிகளை சஸ்பெண்ட் செய்தும் உத்தரவிட்டார். எனினும் இவரின் இந்த அதிரடி விசிட் குறித்து மாநில காங்கிரஸ் செய்தி தொடர்பாளர்அகிலேஷ் பிரதாப் சிங் கூறுகையில், அடுத்த ஆண்டு தேர்தலை முன்வைத்தே மாயாவதி செயல்படுகிறார்.இவரது பயணத்தினால் பாதுகாப்பு என்ற பெயரில் மக்களின் வரிப்பணம் ரூ.300 கோடி வீணடிக்கப்பட்டுள்ளது. அரசுநிதி முறைகேடாக பயன்படுத்தப்பட்டுள்ளது. மாநிலத்தில் பெண்களுக்கு எதிரான குற்றங்களை தடுக்க முயற்சி மேற்கொள்ளப்படவில்லை. மாயாவதியின் பயணம் கண்துடைப்பு நாடகம் என்றார். பகுஜன்சமாஜ் கட்சி செய்திதொடர்பாளர் விஜய் பகதூர் பதக் கூறுகையில், முதல்வர் மாயாவதிக்கு மக்களிடம் நல்ல செல்வாக்கு உள்ளதை இந்த பயணம் காட்டுகிறது. இந்த பயணத்தில் அரசுப்பணம் தவறாக பயன்படுத்தப்படவில்லை. எதிர்கட்சியினர் பொய்யான குற்றச்சாட்டினை கூறுகின்றனர். சமாஜ்வாதி கட்சி செய்திதொடர்பாளர் ராஜேந்திர செளத்ரி கூறுகையில், திடீர் பயணம்‌ மேற்கொள்வாதல் மக்கள் பிரச்னைகளை தீர்த்துவிடமுடியாது என்றார்.

:!+: :”@: