தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

by **rammalar** Thu 20 Sep 2018 - 11:44

பாலிவுட் நடிகர்கள் பலர் கோலிவுட்டில் அறிமுகமாகி
அசத்திக்கொண்டிருக்கிறார்கள்.
-
வட இந்திய சினிமா, தென்னிந்திய சினிமா என்பது மாறி,
தற்போது `இந்திய சினிமா' என்ற மாபெரும் கூட்டணி
உருவாகிவருகிறது.

அதாவது, வட இந்திய நடிகர்கள் தென்னிந்தியப் படங்களிலும்,
தென்னிந்திய நடிகர்கள் இந்திப் படங்களிலும் நடிப்பது
சகஜமாகிவிட்டது. அதற்கு, துல்கர் சல்மான் நடித்த
`கர்வான்' எனும் இந்திப் படமும், தமிழில் அனுராக் காஷ்யப்
நடித்த `இமைக்கா நொடிகள்' திரைப்படமும் சிறந்த
உதாரணங்களாக இருக்க, தற்போது பல பாலிவுட் நட்சத்திரங்கள்
தென்னிந்திய சினிமாவை நோக்கிப் படையெடுத்திருக்கிறார்கள்.
அவர்களின் பட்டியல் இதோ!
-

by **rammalar** Thu 20 Sep 2018 - 11:45

தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள் Nasir_19474

நஸ்ருதீன் ஷா :

2000-ம் ஆண்டு வெளிவந்த `ஹே ராம்' படத்தில் மகாத்மா காந்தியாக
நமக்கு அறிமுகமானவர், நஸ்ருதீன் ஷா. இப்படம் தமிழ் மற்றும்
இந்தி மொழியில் வெளிவந்தது.

தற்போது அறிமுக இயக்குநர் பிரகாஷ் தேவராஜ் படத்தின்
மூலம் மீண்டும் தமிழுக்கு வருகிறார். இதில் இவருக்கு வில்லன்
கதாபாத்திரம் என்று கூறப்படுகிறது.

இப்படத்தின் படப்பிடிப்பு சென்னையில் அடுத்த மாதம்
தொடங்கும் என்று எதிர்பார்க்கப்படுகிறது.
-

by **rammalar** Thu 20 Sep 2018 - 11:48

சோனம் கபூர்
--------------------

தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள் Sonam_10

by **rammalar** Thu 20 Sep 2018 - 11:48

சோனம் கபூர் மற்றும் துல்கர் சல்மான் நடிக்கும்
`தி சோயா ஃபேக்டர்' எனும் திரைப்படம் தமிழ், மலையாளம்,
தெலுங்கு மற்றும் இந்தி ஆகிய நான்கு மொழிகளிலும்
வெளிவரவிருக்கிறது.

இப்படம் `சோயா' எனும் ராஜ்புத் குடும்பத்தைச் சேர்ந்த
ஒரு பெண், இந்திய கிரிக்கெட் அணியைச் சந்திக்கிறார்.

அதன் பின் அவர் வாழ்க்கை எப்படி மாறுகிறது என்பதுதான்
கதை. 2008-ம் ஆண்டு அகுஜா சௌஹான் எனும் எழுத்தாளர்
`தி சோயா ஃபேக்டர்' கதையைப் புத்தகமாக
வெளியிட்டிருக்கிறார்.

இப்படம் தென்னிந்திய ரசிகர்களையும் முன்னிலைப்படுத்தி
எடுக்கப்பட்டு வருகிறது என்பதால், சோனம் கபூருக்கு
ஜோடியாக துல்கர் சல்மானைத் தேர்ந்தெடுத்திருக்கிறார்கள்.
-
---------------

by **rammalar** Thu 20 Sep 2018 - 11:50

விவேக் ஓபராய்.
-

தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள் Vivek-10

தட்ஸ் மை ஃபிரெண்டு ஃபார் யூ ' விவேகம் படம் முழுக்க
இவருக்கு இது தான் வசனம். ஆம், விவேக் ஓபராய் மீண்டும்
தென்னிந்திய படங்களில் நடிக்கயிருக்கிறார்.

பிரித்விராஜ் இயக்குநராக அறிமுகமாகும் `லூசிஃபர்' எனும்
படத்தில் மலையாள ரசிகர்களுக்கு அறிமுகமாகவிருக்கிறார்,
விவேக் ஓபராய்.

இப்படத்தில் மஞ்சு வாரியார் மற்றும் டொவினோ தாமஸ்
ஆகியோர் முக்கியக் கதாபாத்திரங்களில் நடிக்கின்றனர்.
ஆண்டனி பெரம்பவூர் தயாரிக்கும் இப்படம், க்ரைம் திரில்லராக
உருவாகவிருக்கிறது.

இதில் மோகன்லால் ஹீரோவாக நடிக்கிறார் என்பது
குறிப்பிடத்தக்கது.
-
-------------------------------------

by Sponsored content

தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

Re: தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

Re: தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

Re: தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

Re: தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்

Re: தென்னிந்திய சினிமாவை நோக்கிப் படையெடுக்கும் பாலிவுட் நடிகர்கள்