நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ்

by **rammalar** Sat 27 Oct 2018 - 20:19

டபுள் தவுசண்ட் வாலா கிடைத்த சந்தோஷத்தில் பூரிக்கிறார் பாப்ரிகோஷ். விஜய்யுடன் ‘சர்கார்’, அஜித்துடன் ‘விஸ்வாசம்’ என டாப் ஹீரோக்களின் படங்களில் அசத்தலாக ஸ்கோர் செய்துவிட்டு வந்திருக்கிறார் இந்த பெங்காலி ரசகுல்லா.

சின்னத்திரை நேயர்களுக்கு நன்கு அறிமுகமான ‘நாயகி’ மெகா தொடரில் கண்மணியாக கலக்கி வருபவர்தான் இந்த பாப்ரி. ‘‘நிஜமாகவே இந்தத் தீபாவளி, எனக்கு ஹேப்பி தீபாவளிதான்.

கலர்ஃபுல்லான ஃபெஸ்டிவல் டேஸ்ல ரொம்ப எதிர்பார்ப்புல இருக்கிற படங்கள்ல நானும் நடிச்சிருக்கறது சந்தோஷமான விஷயம்.

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ் 19

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ் 19

‘
சர்கார்’ தீபாவளிக்கு ரிலீஸ். இந்தப் படத்துல நடிக்கும்போதே, அஜித் சாரோட ‘விஸ்வாசம்’ ஆஃபரும் வந்துச்சு. அந்த வகையில நான் லக்கி…’’ கொஞ்சும் தமிழ் கபடியாட சிலிர்க்கிறார் பாப்ரிகோஷ்.

‘‘பூர்வீகம் கொல்கத்தா. பாப்ரினா, flower petalsனு அர்த்தம். ‘கோஷ்’ங்கறது எங்க ஃபேமிலி பெயர். காலேஜ் படிக்கிறப்பவே மாடலிங், விளம்பரப் படங்கள் பண்ண ஆரம்பிச்சிட்டேன். ‘கால்பெல்லா‘ங்கற பெங்காலி படத்துல அறிமுகமானேன். என் விளம்பரப் படங்களைப் பார்த்துட்டுதான் தமிழ்ல ‘டூரிங் டாக்கீஸ்’ வாய்ப்பு வந்துச்சு.

தமிழ் இண்டஸ்ட்ரி பத்தி ஏற்கெனவே தெரியும். ஸோ, ஆர்வமா அதுல கமிட் ஆனேன். அப்புறம் சொல்லும்படியான படங்கள் அமையல. ‘பைரவா’ல கூட சின்ன கேரக்டர்தான். அந்த டைம்லதான் சந்தானம் சாரோட ‘சக்கப்போடு போடுராஜா’வுக்கு கூப்பிட்டாங்க.

பெரிய ரோல். ஆர்வமா போய் நடிச்சேன். ஆனா, படம் ரிலீஸ் ஆனதும் ஷாக் ஆகிட்டேன். அதுல நான் ரிஸ்க் எடுத்து நடிச்ச போர்ஷன்ல முக்கால்வாசி காணோம். தமிழ் தெரியாம, கஷ்டப்பட்டு நடிச்ச அத்தனை சீன்களும் ஸ்கிரீன்ல இல்ல. அதுல அப்செட்ல இருந்தேன். அந்த டைம்லதான், சின்னத்திரை சான்ஸ் வந்தது.

‘‘நாயகி’ சீரியல்ல வில்லி கேரக்டர்கள் இருக்கு, நடிப்பீங்களா?’னு கேட்டாங்க. ‘நாயகி’ இயக்குநர் குமரன் சாரை போய்ப் பார்த்தேன். இப்பவாவது ஓரளவு தமிழ் பேசுறேன். அப்ப நான் தப்புத்தப்பாதான் பேசுவேன்.

நான் ஒண்ணு சொன்னா… நீங்க ஒண்ணு புரிஞ்சுப்பீங்க. அப்படித்தான் பேசுவேன். ஆடிஷன் வச்சாங்க. தமிழ்ல சொதப்பினேன். ஆனாலும் அங்க என்னை எல்லாருக்கும் பிடிச்சுப் போச்சு.

by **rammalar** Sat 27 Oct 2018 - 20:19

‘தொடர்ல ரெண்டு வில்லி கேரக்டர்கள் இருக்கு.
அதுல நீங்க எந்த ரோல் பண்றீங்க? டைம் எடுத்து யோசிச்சு
சொன்னா போதும்’னு குமரன் சார் ஆப்ஷன் கொடுத்தார்.

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ் 19a

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ் 19a

இப்ப நான் நடிச்சிட்டிருக்கற ‘கண்மணி’ கேரக்டர்ல அப்ப வேறொருத்தர் நடிச்சிட்டிருந்தார். அந்தப் பொண்னு வேற சீரியலுக்கு போனதால, எதிர்பாராத விதமா அந்த ரோல் எனக்குக் கிடைச்சது!

இப்ப என் நிஜப் பெயரே மறந்துடுச்சு! அந்தளவுக்கு நான் எங்க போனாலும் எல்லாருமே என்னை ‘கண்மணி’னு கூப்பிடறாங்க. சந்தோஷமா இருக்கு…’’ படபடத்த பாப்ரி கோஷ், விஜய், அஜித் பற்றியும் மனம் திறந்தார்.

‘‘‘பைரவா’வுக்குப் பிறகு மறுபடியும் விஜய் சாரோட ‘சர்கார்’ல நடிச்சிருக்கேன். ‘பைரவா’ல கீர்த்திசுரேஷ் தோழியா நடிச்சிருப்பேன்.

‘சர்கார்’ல நல்ல ரோல் பண்ணியிருக்கேன். ‘பைரவா’ டைம்ல விஜய் சார்கிட்ட அவ்வளவா பேசினதில்ல. பேஸிக்கா நான் லொடலொட டைப். விஜய் சார் ரொம்ப சைலன்ட். இப்படி எதிர் எதிர் குணாம்சங்கள் கொண்ட நாங்க ‘சர்கார்’ல நிறைய பேசினோம்.

விஜய் சார் டைமிங் ஜோக்ஸ்ல அசத்தினார்! அதேபோல ‘விஸ்வாசம்’ல நடிச்சது வொண்டர்ஃபுல் எக்ஸ்பீரியன்ஸ். நான் அஜித் சாரோட தீவிர ரசிகை. அவர் படத்துல நடிக்கக் கூப்பிட்டப்ப என்னாலயே நம்ப முடியலை.

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ் 19b

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ் 19b

‘
நான் உங்க ஃபேன் சார்’னு சொன்னதும் அஜித் சார் சிரிச்சார். ஸ்பாட்டுல நான் தப்புத்தப்பா தமிழ்ல பேசினதைப் பார்த்து அங்கிருந்த எல்லாருக்குமே என்னைப் பிடிச்சுப்போச்சு.

‘விஸ்வாசம்’ல நயன்தாரா மேம் ஃப்ரெண்டா நடிக்கறேன். ஒவ்வொரு சீன்ல நடிச்சு முடிச்சதும் எல்லார் முன்னாடியும் ‘பிரமாதமா பண்ணியிருக்கீங்க… கீப் ராக்கிங்’னு அஜித் சார் என்னைப் பாராட்டி என்கரேஜ் செய்வார்…’’ புன்னகைக்கிறார் பாப்ரி.

– மை.பாரதிராஜா
குங்குமம்

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ்

நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ்

Re: நெகிழ்கிறார் சர்கார், விஸ்வாசம் இரு படங்களிலும் நடிக்கும் பாப்ரி கோஷ்