‘குழப்பம்’ தினப்பலன் கூறியது...!

by **rammalar** Fri 8 Jan 2021 - 8:10

-
தேசிய கொடியும்
ஹைகூவில் அடங்கும்
வண்ணங்கள் மூன்று!
-
-------------------------------
-
ஓடி விளையாடு பாப்பா
ஏக்கமாய் படிக்கும்
அப்பார்மென்ட் சிறுமி!
-
-------------------------------

-
இறந்தும் மானம் காத்தது
பட்டுப்பூச்சி
சேலையாய்...!
-
-----------------------------------------
-
ஆணுக்கு தாலாட்டு
பெண் குழந்தைக்கு
அரசுத் தொட்டில்!
-
--------------------------------
-
பால் குடித்த குழந்தை
புதிய பலத்தில் உதைத்தது
தாயை!
-
----------------------------------
-
கலைக்கத் தெரிகிறது
கட்டத் தெரியவில்லை
குரங்கிற்கு தேன்கூடு!
-
--------------------------------
-
மூன்று இதழ்களும் கொஞ்சம் தூரிகையும்-
ஹைகூ தொகுப்பிலிருந்து.
------------------

தொலைக்காட்சி இணைப்பை
துண்டித்தது
எலிக்கு நன்றி!
-
-----------------------------------
-
அறுசுவை
உணவுடன் படையல்
பசியால் இறந்தவனுக்கு!
-
----------------------------
-
எங்கே கூடு கட்டுது
புரியாமல் விழிக்கும்
அடுத்த நூற்றாண்டு பறவை!
-
-----------------------------------
-
‘குழப்பம்’ தினப்பலன் கூறியது
எதனால் குழப்பம் நேரும்
குழம்பியது மனம்!
-
-------------------------------------
-
இல்லை கடிகாரம்
ஆனாலும் தெரிகிறது நேரம்
பசி!
-
----------------------------------------
-
யானைக்கும் மனிதனுக்கும்
பிடிக்கிறது மதம்
அழிவின் தொடக்கம்!
-
------------------------------------
-
ஏமாந்து விட்டதோ
முதுகில் நாமம்
அணில்!
-
--------------------------------