ஆன்றோர் சிந்தனைகள்

by **rammalar** Thu 25 Mar 2021 - 19:04

-
மனிதன் முதலில் விரைவாக எழுந்து நிற்கட்டும்…
பிறகு விடை காண்பதில் சிரமம் இருக்காது.
–
மனிதனை செதுக்க வேண்டும் என்பதற்காகவே
சில நேரங்களில் ஆலோசனை அறிவுரை போன்ற
உளிகளால் சிலர் சிதைத்து விடுகிறார்கள்
–
இரவு பொழுது , வெளிச்ச விழிகளால் பார்த்துக்
கொண்டிருக்கிறது
பகற்பொழுதோ இருட்டின் மடியில் அமர்ந்து
சிரித்துக் கொண்டிருக்கிறது
–
கற்பனை என்பது பொய்யான முகம் என்று
புலம்பாதீர்கள்.
அது மெய்யின் ஆணிவேரைத் தேடுகிற
அரிய முயற்சி அல்லவா..?
–
அறிவாலும் உணர்ச்சியாலும் மனதில் எழுகிற
சலனங்களுக்கு கற்பனை ஒன்றுதான் நிறைவான
நிம்மதி கிடைக்கும் என்பேன்
–

விஞ்ஞானிகள் புதிது புதிதாய்
கண்டு பிடித்துக் கொடுக்கிறார்கள்
தன்னைப்பற்றி முற்றிலும் இதுவரை அறியாமலேயே..
-

எவரேனும், நீர் அருந்தும் பல்லியை பார்த்ததுண்டா?
காதலும் அப்படித்தான் இருக்க வேண்டும்..!
-
குரல், துத்தம், கைக்கிளை, உழை, இனி, விளரி, தாரம்...
இவை இசை மரபுகளாம்!
ஓ ...எத்தனை
இளைய ராஜாக்கள்
-
புலி வேட்டைக்கு தூண்டிலோனடு செல்பவனும்
கையில் மகுடியுடன் மீன் பிடிக்கச் செல்பவனும்
நிச்சயம் இலக்கை அடைவதில்லை
-
படைப்பாளர்களே...நீங்கள் தமிழை விற்று
எதை வாங்கப் போகிறீர்கள்...
தமிழை விட சிறந்ததாய்..?
-
----------------------------------------

பாவலர் கருமலைப்பழம் நீ
நன்றி: உரத்த சிந்தனை – பிப்ரவரி 2015

by Sponsored content

ஆன்றோர் சிந்தனைகள்

ஆன்றோர் சிந்தனைகள்

Re: ஆன்றோர் சிந்தனைகள்

Re: ஆன்றோர் சிந்தனைகள்

Re: ஆன்றோர் சிந்தனைகள்