மரம் வளர்த்தால், மழை வரும் என்பது உண்மைதானா?’ ஓர் அலசல்!

by **rammalar** Sun 11 Apr 2021 - 4:44

மரங்களை நட்டால் மழை பெய்துவிடுமா!
அப்படிப் பெய்யும் என்றால், நம் நாட்டின் நடிகர்களும்
அரசியல்வாதிகளும் நட்டுவைத்த மரக்கன்றுகளுக்கு
இந்நேரம் எவ்வளவு மழை பெய்திருக்க வேண்டும்.

தமிழகம் முழுவதும் வற்ற வற்றச் சுரக்கும் தண்ணீர்
சுரங்கமாக அல்லவா இருந்திருக்க வேண்டும்!

ஒவ்வோர் ஆண்டும் ஜெயலலிதா பிறந்தநாளுக்கு
அ.தி.மு.க-வினர் 60 லட்சம், 70 லட்சம் என்று நட்டுக்
கொண்டிருக்கிறார்கள்.

தி.மு.க-வினர் கலைஞர் கருணாநிதி பிறந்தநாளுக்கு
80 லட்சம், 90 லட்சம் என்று நட்டுக்கொண்டிருக்கிறார்கள்.

அதுபோக மேலும் பல சிறு குறு கட்சிகள் சில பல
லட்சங்களில் மரங்களை அவ்வப்போது நடுகிறார்கள்.
இப்போது மத்திய சுற்றுச்சூழல் அமைச்சர் பிரகாஷ்
ஜவடேகர் வேறு மரக்கன்றுகளை நட்டு செல்ஃபி எடுத்துப்
போடுங்கள் என்று சொல்லியுள்ளார்.

பொதுவாக 100 மரக்கன்றுகளை நட்டால் அதில் ஐம்பது
முதல் அறுபதுவரைதான் முழுமையாகப் பிழைத்து
வளரும். அரசியல் கட்சிகளும் சில நடிகர்களும் இதுவரை
நட்ட மரங்களைக் கணக்குப் போட்டு அதில் பாதியைத்
தேடிப் பார்த்திருந்தால்கூட இந்நேரம் தமிழகம் முழுவதும்
கானகச் சோலைகளாக அல்லவா காட்சியளித்திருக்க
வேண்டும்.

எங்கே சென்றன அந்தக் காடுகள், எங்கே சென்றன
அந்த மரங்கள்?

வடிவேலு காமெடியில் வரும் கிணற்றைக் காணோம்
என்ற கதையாகத்தான் போய்விடுகிறது இவர்கள் நட்ட
மரத்தைக் காணோம் என்ற செய்திகளும்.

இந்த மரம் நடும் திருவிழாக்களை அரசியல் கட்சிகள்
ஒருவித பிரசார யுக்தியாகவும் கார்ப்பரேட் நிறுவனங்கள்
தாம் செய்த கொலைகளுக்கு ஒருவிதப்
பிராயச்சித்தமாகவும்தான் செய்துவருகின்றன.

உண்மையில் மழை வேண்டுமென்றால், மரங்கள்
வளர்ப்பதைவிடக் காடுகளை வளர்க்க வேண்டும்.
-
நன்றி-
-விகடன் இதழில் க.சுபகுணம் எழுதியுள்ள கட்டுரையின்
ஒரு பகுதி