கண் தெரியாதவர்களின் கால்பந்து விளையாட்டு

by **rammalar** Mon 26 Jul 2021 - 19:28

'அது' இல்லாம கால்பந்தாட்டமா!

விளையாட்டுகளில், கொஞ்சம் ரிஸ்க்கானது என
கால்பந்தாட்டத்தை சொல்லலாம் தானே.

நன்றாக கண் பார்வை உள்ளவர்களுக்கே இவ்விளையாட்டு
கண்ணை கட்டிவிட்டது போல இருக்கும்.
கண் தெரியாதவர்களின் கால்பந்து விளையாட்டு
எப்படி இருக்கும் என்று யோசித்துப் பாருங்க.

* சாதாரண கால்பந்து போட்டி, 90 நிமிடங்கள் நடக்கும்;
இவர்களது போட்டி, 50 நிமிடமே நடக்கிறது; இடைவேளை,
10 நிமிடங்கள் உண்டு

* மைதானம், 40 மீட்டர் நீளம், 20 மீட்டர் அகலமுடையது

* மைதானத்திற்கு வெளியே சென்று மரங்களில் மோதி,
காயமடைந்துவிட கூடாது என்பதற்காக, மைதானத்தை
சுற்றிலும், 'சைடு போர்டுகள்' வைத்திருப்பர்

* ஒரு அணியில் மொத்தம் ஐந்து பேர் இருப்பர்;
அதில் கோல்கீப்பர் பார்வையுள்ளவர். மீதமுள்ளவர்களில்
ஓரளவு பார்வையுள்ளவர்; பாதி அளவு பார்வைத்திறன்
கொண்டவர்; முழுமையாக பார்வைத்திறன் அற்றவர் என,
மூன்று பிரிவினரும் கலந்து ஆடுவர்.
இது தவிர, உதவிக்கு மூன்று பேர் இருப்பர்

* அணியினர் எதிர் எதிராக வரும்போதும், பந்தை தொட
முயற்சிக்கும் போதும், 'வோய்' என்று கூற வேண்டும்.
இது, 'நான் இங்கு இருக்கிறேன்' என்ற அர்த்தத்தை தரும்

* கோல் கீப்பர் தவிர, மற்ற அனைவருடைய கண்களும்
கட்டப்பட்டிருக்கும்

* பந்தின் உள்ளே மணிகள் கிடக்கும்; பந்து உருளும்போது
மணி சத்தம் கேட்கும்; அதன் மூலமே பந்தை உணருவர்

* கோல் அடிக்கும்போது மட்டுமே பார்வையாளர்கள் கூச்சல்
போடவேண்டும் என்ற விதி உள்ளது

* கேரள பார்வையற்றோர் அணியினர், தாய்லாந்து, மலேசியா,
ஹாங்காங் போன்ற நாடுகளில் விளையாடி யிருக்கின்றனர்.
ஒலிம்பிக் போட்டியில் விளையாடுவது இவர்களது லட்சியம்.

என்றென்றும் அன்புடன், அங்குராசு.
வாரமலர்