சீரடி சாய்பாபா சிந்தனை வரிகள்

by **rammalar** Mon 2 Aug 2021 - 8:47

-
1.சீரடி ஸ்தலத்தை எவன் மிதிக்கிறானோ, அவனுடைய துன்பம்
ஒரு முடிவை அடைந்து செளகரியத்தை அடைகிறான்.
-
2.துவாரகா மாயியை அடைந்த மாத்திரத்தில் பெரும் துன்பத்திற்கு
உள்ளவர்களும் மிகுதியான சந்தோஷத்தை அடைவார்கள்.
-
3.இவ்வுலகை விட்டப் பிறகும் சர்வ சக்தியுடன் வேலை செய்வேன்.
-
4.என்னுடைய சமாதி என் பக்தர்களுக்கு அநேக ஆசீர்வாதங்களையும்,
புத்திமதிகளையும் கொடுக்கும்.
-
5.என்னுடைய பூத உடல் என் சமாதியிலிருந்து பேசும்.
-
6.என்னுடைய சமாதியிலிருந்து கொண்டே நான் மிகவும்
சுறுசுறுப்பாகவும், தீவிரமாகவும் இருப்பேன்.
-
7.என்னிடன் வருபவர்களுக்கும், என்னை தஞ்சம் அடைபவர்களுக்கும்,
என் உபதேசத்திற்காக என்னிடம் தீவிர நம்பிக்கை உள்ளவர்களுக்கும்,
நான் எப்பொழுதும் உயிருடன் இருக்கிறேன்.
-
8.நீ என்னை அடைந்தால் நான் உன்னை கடாஷிக்கிறேன்.
-
9.நீ என் பேரில் உன் பளுவை சுமத்தினால் நான் நிச்சயமாக அதைத்
தாங்குவேன்.
-
10.நீ என் உபதேசத்திற்காகவும், உதவிக்காகவும் என்னை அடைந்தால்
அவைகளை உடனே நான் உனக்கு கொடுப்பேன்.
-
11.என்னுடைய, பக்தர்களுடைய வீட்டில் ஒரு போதும் தேவை என்பதே
இருக்காது.
-