மட்டக்களப்பில் வீதி விபத்தில் கிராமசேவகர் படுகாயம்

by **அர்சாத்** Sun 13 Mar 2011 - 13:41

மட்டக்களப்பு மாவட்டத்தின் வாழைச்சேனை பொலிஸ் பிரிவுக்குட்பட்ட சந்திவெளிப்பகுதியில் நேற்று பிற்பகல் இடம்பெற்ற விபத்தில் கிராமசேவகர் ஒருவர் படுகாயமடைந்துள்ளார்.

நேற்று சனிக்கிழமை பிற்பகல் 3.40மணியளவில் சந்திவெளி பிள்ளையார் ஆலயத்துக்கு முன்பாகவுள்ள மட்டக்களப்பு –கொழும்பு பிரதான வீதியிலேயே இந்த விபத்துச் சம்பவம் இடம்பெற்றுள்ளது.
இதன்போது மட்டக்களப்பு புன்னைச்சோலையை சேர்ந்த வி.விபுலானந்தன் (54வயது) என்ற இரு பிள்ளையின் தந்தையே இவ்வாறு படுகாயமடைந்துள்ளார்.
ஓட்டமாவடி பிரதேச செயலகத்துக்குட்பட்ட தியாவெட்டுவான் பகுதிக்கான கிராம சேவகராக கடமையாற்றும் இவர் சம்பவ தினம் வேலைக்கு சென்று விட்டு திரும்பிக்கொண்டிருந்த போதே இந்த விபத்துச் சம்பவம் இடம்பெற்றுள்ளதாக பொலிஸார் தெரிவித்தனர்.
படுகாயமடைந்த இவர் உடனடியாக மாவடிவேம்பு வைத்தியசாலைக்கு கொண்டுசெல்லப்பட்டு அங்கிருந்து செங்கலடி வைத்தியசாலைக்கு கொண்டுசெல்லப்பட்டு அங்கு சிகிச்சையளிக்கப்பட்டு மேலதிக சிகிச்சைகளுக்காக மட்டக்களப்பு போதனா வைத்தியசாலைக்கு கொண்டுசெல்லப்பட்டுள்ளார்.

மட்டக்களப்பில் வீதி விபத்தில் கிராமசேவகர் படுகாயம் Batti_gs_01

மட்டக்களப்பில் வீதி விபத்தில் கிராமசேவகர் படுகாயம் Batti_gs_02