ஒரு நாள்.., இரவில்.., கண் உறக்கம்.., பிடிக்கவில்லை..

நேற்று இரவு தூக்கமே வரலப்பா’ என்று சலிப்பு கொள்பவர்
பலர். அந்த சலிப்பையே சுசீலாம்மா வாயால் பாடினால்
இனிப்பு, களிப்பு, மிதப்புதான்…

சரோம்மா காட்சியில் அவரது கண்ணனை நினைத்து
ஏங்க எம்.ஜி.ஆர் நடுவே தோன்றி குழல் ஊதி சிரிப்பார்.

ஆரம்பமே அசத்தலான கம்பிகளின் வருடல், வயலின்
தழுவல் என்று இசை ஒலிக்க

“ஒரு நாள் இரவில்
கண் உறக்கம் பிடிக்கவில்லை” என்ற தாலாட்டும் துவக்கம்
தருவார் இசையரசி.

முதல் நிரவல் இசையில் சிதார் வயலின் கொஞ்சி விளையாட
இரண்டாம் நிரவலில் சாரங்கியும் வயலினும் சரசமாடும். ஆஹா…

மெல்லிசை மாமன்னர்கள் இசையல்லவா!
அந்த தபலா தத்தி தவழ்ந்து உருண்டு கூடவே வரும் இனிமையை
சொல்ல வார்த்தை இல்லை.

ஒருநாள்…வருவான்…
சென்றார்…இந்த இடங்களில் சுசீலாம்மா காட்டும் குரல் ஜாலம்…
பாடல் இவ்வளவு விரைவில் முடிந்து விட்டதே என்று ஏங்க
வைக்கும் விருந்து!
———————-
படம்:பணத்தோட்டம்
இசை:எம்.எஸ்.விஸ்வநாதன் & ராமமூர்த்தி
வரிகள்: கண்ணதாசன்
குரல் : பி.சுசீலா
———————-

பாடல் வரிகள்:

ஒரு நாள் இரவில்
கண் உறக்கம் பிடிக்கவில்லை
வருவான் கண்ணன் என
நினைத்தேன் மறக்கவில்லை
(ஒரு)

திரு நாள் தேடி தோழியர் கூடி
சென்றார் திரும்பவில்லை
தினையும் பனையாய் வளர்ந்தே
இரு விழிகள் அரும்பவில்லை
(ஒரு)

இரவில் உலவும் திருடன்
அவன் என்றார்
திருடாது ஒரு நாளும்
காதல் இல்லையென்றேன்
எனையே அவன் பால் கொடுத்தேன்
என் இறைவன் திருடவில்லை
(ஒரு)
-
பதிவிட்டவர்: ஜெயசீலன்