கடல் மணலையும் கொள்ளையடிக்கும் ராஜபக்ஷ குடும்பம்

by *சம்ஸ் Wed 16 Mar 2011 - 6:33

இலங்கையின் கடல்பரப்பில் இருந்து மணலையும் சட்டவிரோதமாக அகன்று வெளிநாடுகளுக்கு ஏற்றுமதி செய்யும் சட்டவிரோத வர்த்தகத்தில் ராஜபக்ஷ குடும்பம் ஈடுபட்டிருப்பதாக தகவல்கள் கசிந்துள்ளன.
காணி அபிவிருத்தி மற்றும் சமநிலைப்படுத்தல் அதிகார சபையினால் கடலிலிருந்து அகழப்படும் மணலையே அவர்கள் அவ்வாறு திருட்டுத்தனமாக வெளிநாடுகளுக்கு ஏற்றுமதி செய்து வருவதாக பிரஸ்தாப தகவல் வட்டாரங்கள் தெரிவிக்கின்றன.

அதிலும் வெளிநாடுகளில் ஒரு கியூப் மணல் 90 டொலர்கள் வரை விலைபோகும் நிலையில் ராஜபக்ஷ குடும்பம் அதனை 60 தொடக்கம் 70 டொலர்கள் வரையான குறைந்த விலைக்கே விற்பனை செய்வதாகவும் அத்தகவல் வட்டாரங்களிலிருந்து மேலும் தெரிய வருகின்றது.

இதற்கு முன்பும் கிரிந்தை பிரதேசத்தில் இருந்து அவ்வாறு மணல் அகழ்வு செய்து ஏற்றுமதி செய்ய எடுக்கப்பட்ட முயற்சிகள் அப்பிரதேச மீனவர்களின் பலத்த எதிர்ப்பின் காரணமாக கைவிடப்பட்டிருந்தன.

அவ்வாறு கடல் பிரதேசத்தில் மண் அகழப்படுவதால் மீன் வளம் குறைந்து விடும் அபாயம் இருப்பதாக சூழலியலாளர்கள் அபாய எச்சரிக்கை விடுத்துள்ளதையும் பொருட்படுத்தாது ராஜபக்ஷ குடும்பம் தமது பொக்கற்றுகளை நிரப்பும் கைங்கரியத்தில் ஈடுபட்டு வருவதாக தெரிவிக்கப்படுகின்றது.