மாசி மாதம் இதையெல்லாம் செய்தால் 3 மடங்கு பலன் கிடைக்குமாம்...!

by **rammalar** Tue 13 Feb 2024 - 13:58

--
எல்லா தெய்வங்களுக்கும் சிறப்பு மிக்க மாதம் என்று
போற்றப்படுகிறது மாசி மாதம். திருமால், மகாவிஷ்ணுவாக
அவதாரம் எடுத்தது மாசி மக நட்சத்திரத் திருநாளில்தான்
என்கிறது புராணம்.

மாசி மாதத்தில் வருகிற சங்கடஹர சதுர்த்தி மிக மிக விசேஷம்.
ஆழ்வார்களில் ஒருவரான, குலசேகர ஆழ்வார் மாசி மாதம்
புனர்பூச நட்சத்திர நாளில்தான் அவதரித்தார்.

மாசி மாதம் என்பது மன வலிமை தரக்கூடிய மாதம் மகத்துவம்
நிறைந்த மாதம். இம் மாதத்தை மாங்கல்ய மாதம் என்றும் கூறுவர்.
சிவத்தோடு சக்தி இணைந்து முழுமை பெறுவதால் தன் கணவனின்
நலனுக்காக பெண்கள் இந்த மாசி மாதத்தில் தாலிக் கயிற்றினை
புதிதாக மாற்றிக் கொள்ளும் பழக்கத்தை ஏற்படுத்திக்
கொண்டார்கள்.

இந்தியாவில் உள்ள அனைத்து புண்ணியத் தீர்த்தங்களிலும்,
சமுத்திரக் கரையிலும், புனித நதிகளிலும் மாசி மாதத்தில் அமிர்தம்
நிறைந்திருப்பதாக புராணங்கள் கூறுகின்றன.

இதன் காரணமாகவே இந்த மாதத்தில் நீர்நிலைகளில் புனித
நீராடுவதை பழக்கமாகக் கொண்டுள்ளனர்.

மாசியில் செய்ய வேண்டியவைகள்

1. அன்னதானத்தின் பெருமைகளை உணர்த்துவது மாசி மகம்தான்.
எனவே, மாசி மாதத்தில் நம்மால் முடிந்த அளவுக்கு அன்னதானம்
செய்வது விசேஷம். அது மும்மடங்கு பலன்களைத் தரும்.

2. மகாபிரளய காலத்தில் கும்பத்திலிருந்து அமிர்தம் பரவி உலகம்
மீண்டும் உருக்கொண்ட தினம் மாசி மகம். வருணதேவன் தன்னைப்
பீடித்த பிரம்மஹத்தி தோஷம் நீங்க சிவபெருமானை வழிபட்டு
அருள்பெற்ற தினம் மாசி மகம்.

அம்பிகை ஒரு சங்காக அவதரித்து தாட்சாயணியாக மாறியதும்
மாசி மகத்தில்தான். முருகனுக்குரிய வழிபாட்டு தினங்களில் மாசி
மகம் மிகவும் முக்கியமானது.

இந்த நாளில் தவறாமல் சிவாலயம் சென்று வழிபடுவதன் மூலம்
இன்னல்கள் நீங்கப்பெறலாம் என்பது நம்பிக்கை.

3. பௌர்ணமி வழிபாடு அம்பிகைக்கு உரியது.
மாசி மாதப் பௌர்ணமி தினம் சிவ வழிபாட்டுக்கும் முன்னோர்
வழிபாட்டுக்கும் உரியது. அண்ணாமலையாரே வள்ளாலன் என்ற
தன் பக்தனுக்கு திதி கொடுத்து வழிபாடு செய்தது மாசி மாதப்
பௌர்ணமி தினத்தில்தான்.

எனவேதான் வழக்கமாக அமாவாசைகளில் செய்யும் சிரார்த்த
காரியங்களை இன்று செய்வது விசேஷம் என்று சொல்லப்படுகிறது.

4.இந்த நாளில்தான் ஹோலிப் பண்டிகை வருகிறது.
கிருஷ்ணன், ராதையுடன் வண்ணப்பொடிகள் தூவி விளையாடிய
தினம் இது என்பதால் இந்தப் பண்டிகை மிகவும் முக்கியமானதாகக்
கொண்டாடப்படுகிறது.
இந்த நாளில் தவறாது இறைவழிபாடு செய்து நன்மைகளைப் பெறலாம்.

5. மாசி கயிறு பாசி படியும் என்பார்கள். மாசி மாதத்தில் தாலியில்
உள்ள மஞ்சள் கயிறு மாற்றுவது சிறப்பு...
-
நியூஸ் 18 &
Dailyhunt