சோம்பேறித்தனம் நீங்கி சுறு சுறுப்பாக இருக்க…!

by **rammalar** Sat 24 Feb 2024 - 5:12

--
-நித்திஷ்குமார்
ஓய்வு என்பதற்கும் சோம்பேறித்தனம் என்பதற்கும் வேறுபாடு
உண்டு. நிறைய வேலை செய்துவிட்டு அத்தகைய வேலையின்
அசதி காரணமாக எடுப்பது தான் ஓய்வு.

ஆனால் வேலையே செய்யாமல் வேலை செய்த மாதிரி ஓய்வு
எடுத்துக்கொள்வதன் பெயர்தான் சோம்பேறித்தனம்.

அது ஏன் நமக்கு ஏற்படுகிறது என்றால் பலவகையான
காரணங்கள் உள்ளது. அதிகமாக வேலை இருப்பதாக நினைத்து
இந்த சோம்பேறித்தனமும் அல்லது நீண்ட தூரம் பயணம்
செய்வதால் சோம்பேறித்தனம் வரலாம்.

ரத்த சோகையால் சோம்பேறித்தனமா, ஹார்மோன் இம்பேலன்ஸ்
என்னும் நோயால் சோம்பேறித்தனம் உள்ளதா, இந்த
சோம்பேறித்தனம் ஏன் நமக்கு ஏற்படுகிறது என்று பார்க்க
வேண்டும்.

சோம்பேறித்தனம் நம்மை விட்டு அகலவேண்டும் என்றால் நாம்
நம்முடைய செயலை பிறகு பார்த்துக் கொள்ளலாம். நம்
வேலையை பிறகு செய்துகொள்ளலாம் என்னும் வார்த்தையை
சொல்லவே கூடாது.

ஒன்றே செய், நன்றே செய் அதுவும், இன்றே செய். நாம்
செய்யக்கூடிய நல்ல விஷயங்களை இன்றே செய்ய வேண்டும்
என்பதில் உறுதியாக இருந்தோம் என்றால் கண்டிப்பாக
சோம்பேறித்தனம் அண்டவே அண்டாது.

ஓய்வே இல்லாமல் இருப்பது, சரியான தூக்கம் இல்லாமல் இருப்பது
போன்ற விஷயங்கள் நமக்கு ஒருவித சோம்பேறித்தனத்தை
ஏற்படுத்தும். நாம் ஒரு நாளைக்கு 7 ல் இருந்து 8 மணி நேரம் தூங்க
வேண்டும்.

நமது உடலுக்கு மிகவும் முக்கியம். இரவில் நன்றாக
உறங்கினால் மட்டுமே பகலில் சோம்பேறித்தனம் நமக்கு வரவே
வராது. ஆனால் நாம் தற்போது நமது உடலுக்கு தேவையான
உறக்கத்தை கொடுப்பதில்லை.

ஒரு செயலை நாம் எப்போதும் சிறப்பாக செய்யும்போது அதனால்
கிடைக்கும் பலன்களும் அதிகமாக இருக்கும். ஒரு செயலை
செய்யாமல் இருந்தால் அதனால் ஏற்படும் இழப்புகளும் அதிகமாக
இருக்கும்.

இதனை மனதில் வைத்து செயல்பட்டாலே இந்த சோம்பேறித்தனம்
முற்றிலும் தவிர்த்து விடலாம்.
–
நன்றி- கல்கி