புகு'pமா அணு உலைகளை குளிர்விக்கத் தொடர்ந்து நீர்ப்பாய்ச்சல்

சுனாமி அனர்த்தத்தால் கொல்லப்பட்டோர் எண்ணிக்கை 8,649 ஆக அதிகரிப்பு

சுனாமி அனர்த்தத்தினால் பாதிக்கப்பட்ட புகுஷிமா அணு உலைகளை குளிர வைக்கும் பணிகள் நேற்றைய தினத்திலும் தொடர்ச்சியாக இடம்பெற்றன.

அணு உலைகளுக்கு தீயணைப்பு படையினர் நேற்றைய தினத்திலும் தொடர்ச்சியாக நீர்பாய்ச்சியதோடு மின் விநியோக முயற்சிகளும் இடம் பெற்றன. இதில் அதிகமாக பாதிக்கப்பட்ட 3 ஆவது அணு உலையை குளிரவைக்கும் பணிகள் தீவிரப்படுத்தப்பட்டுள்ளன.

ஜப்பான் நேரப்படி நேற்று முன்தினம் இரவு 9 மணி தொடக்கம் நேற்று அதி காலை 4 மணிவரையான 7 மணி நேரத் தில் மூன்றாவது அணு உலைக்கு மாத் திரம் 1,170 டொன் நீர் பாய்ச்சப்பட்டதாக டோக்கியோ மின்சக்தி நிறுவனம் குறிப்பிட்டுள்ளது.

எனினும் மூன்று அணு உலைகளுக்கு மின்சாரம் பெறப்பட்டுள்ளதாகவும், அதனைக் கொண்டு அணு உலைகள் குளிர்விக்கும் முயற்சிகள் நடைபெற்று வருவதாகவும் டோக்கியோ மின்சக்தி நிறுவனம் கூறியுள்ளது.

இதேவேளை புகுஷிமா அணு உலை களில் இருந்த கதிர் வீச்சை தடுக்கும் பணிகளில் சாதகமான முடிவு கிடைத் திருப்பதாகக் கூறியுள்ள ஐக்கிய நாடுகள் சபையின் அணு முகவர் அமைப்பு இன்னும் அவை அபாயகரமான கட்டத் திலேயே இருப்பதாகத் தெரிவித்துள்ளது.

இதற்கிடையில் புகுஷிமா அணு உலை களுக்கு அண்டிய பகுதிகளில் இருப்போர் குழாய் நீரை பயன்படுத்த வேண்டாம் என ஜப்பான் அரசு அறிவித்துள்ளது. குழாய் நீரில் அயடின் கதிரியக்கச் செயற் பாடு அதிகரித்ததைத் தொடர்ந்தே ஜப்பான் அரசு இந்த அறிவிப்பை வெளியிட்டுள்ளது. புகுஷிமா அணு உலை க்கு 240 கிலோ¡மீற்றர் அப்பால் உள்ள தலைநகர் டோக்கியோ குழாய் நீரிலும் இந்த நிலை காணப்படுகிறது.

இதேபோன்று கதிரியக்க பீதியால் ஜப்பானில் உணவுகளைப் பெறுவதிலும் மக்கள் சிக்கலை எதிர்கொண்டுள்ளனர். புகுஷிமா அணு உலைக்கு அண்டிய பகுதிகளில் உற்பத்தியான மரக்கறி மற்றும் பாலில் கதிரியக்க செயற்பாடு இருந்தது கண்டுபிடிக்கப்பட்டமை குறிப்பிடத்தக்கது.

இந்த நிலையில் ஜப்பானில் சீரற்ற காலநிலை நிலவி வருகிறது. இதனால் மீட்புப் பணிகள் தாமதமாகியுள்ளதோடு கதிர்வீச்சு அபாயமும் அதிகரித்துள்ளது. இதனால் மழை நீரில் நீண்ட நேரம் நனைய வேண்டாம் என புகுஷிமா அணு மின் நிலைய நிர்வாகிகள் அறிவறுத் தியுள்ளனர். இதேவேளை கடந்த 11ஆம் திகதி இடம்பெற்ற சுனாமி அனர்த்தத் தினால் கொல்லப்பட்டோரின் எண்ணிக்கை 8,649 ஆக அதிகரித்தது. அதே போன்று இந்த அனர்த்தத்தினால் 13,262 பேர் காணாமல் போயுள்ளதாக நேற்றைய உத்தியோகபூர்வ தகவல் தெரிவிக்கின்றது.

இது தவிர 360,000 பேர் இடம்பெயர்ந் துள்ளனர். இதில் ஒரு இலட்சத்திற்கு மேற்பட்ட சிறுவர் அடங்குகின்றனர். இந்த அனர்த்தத்தினால் 235 பில்லியன் டொலர் அளவில் நஷ்டம் ஏற்பட்டுள்ளதாக உலக வங்கி கணக்கிட்டுள்ளது.

இந்த அனர்த்தத்தைத் தொடர்ந்து இன்னும் 938,000 கட்டிடங்களில் நீர் வசதி இல்லாமல் காணப்படுவதோடு 289,000 குடியிருப்பாளர்கள் தொடர்ந்தும் மின்வசதி இல்லாமல் அவதிப்படுகின்றனர்.

130,000 கட்டிடங்கள் சேதமடைந்துள்ள தாக கணக்கெடுக்கப்பட்டுள்ளது. அதில் 14,600 கட்டிடங்கள் முற்றாக சேத மடைந்துள்ளன. இவைகளை மீள நிர்மாணிக்க 5 வருட காலமளவில் தேவைப்படும் என கணிக்கப்பட்டுள்ளது.

:”@: :”@: