இலங்கையில் காணாமல் போனவர்கள் தொடர்பில் ஐக்கிய நாடுகள் ஆராய்வு

by **நண்பன்** Tue 22 Mar 2011 - 13:53

இலங்கையில்
காணாமல் போனவர்கள் குறித்த விவகாரங்கள் தொடர்பில், ஐக்கிய நாடுகள் சபையின்
மனித உரிமைகள் நிபுணர்கள் ஆராய்ந்துள்ளதாக தெரிவிக்கப்படுகிறது.

மெக்ஸிகோ சிட்டியில் நடைபெற்ற அண்மைய கூட்டத் தொடரின் போது, இந்த ஆராய்வு மேற்கொள்ளப்பட்டதாக தெரிவிக்கப்பட்டுள்ளது.
இலங்கை உள்ளிட்ட நாடுகளின் 200 க்கும் அதிகமான காணாமல் போன மற்றும்
பலவந்தமாக கடத்தப்பட்ட சம்பவங்கள் குறித்து, இதன் போது ஆராயப்பட்டுள்ளது.
இதனையடுத்து குறித்த சம்பவங்கள் தொடர்பில், மனித உரிமைகள் நிபுணர்கள்
குறித்த நாடுகளின் அரசாங்கங்களிடம் விளக்கங்களையும் கோரியுள்ளதாக
தெரிவிக்கப்படுகிறது.
இதற்கிடையில், ஐந்து சுயாதீன மனித உரிமைகள் நிபுணர் அமைப்புகள்
இதுதொடர்பில் குற்றம் சுமத்தப்பட்ட அரசாங்கங்களுக்கு கடிதங்களை அனுப்பி
வைத்துள்ளதாக தெரிவிக்கப்படுகிறது.
இதேவேளை இந்த வருடம் 3 நிபுணர்கள் இந்த சம்பவங்கள் தொடர்பில் ஆராய்ந்து,
அடுத்த வருடம் நடைபெறவுள்ள ஜெனீவா மனித உரிமைகள் ஆணைக்குழுவின்
கூட்டத்தின் போது, அறிக்கை தாக்கல் செய்யப்படவுள்ளதாக
தெரிவிக்கப்பட்டுள்ளது.