நேர்மை அரசியல்......(கவிதை)

by **ஹாசிம்** Sat 26 Mar 2011 - 10:13

அரசியல் தேரங்கு
அச்சாணி களண்டுகிடக்கிறது
தேர்தல் காலத்தோடுமட்டும்
அரசியல் சாசனங்கள்

நேர்மை எமக்குண்டு
நலங்கள் காத்திடுவோம்
நாளுந்தோறும் உமக்காக
எம்வாழ்க்கை சமர்ப்பணமென
இலவச வாக்குறுதிகள் மட்டு்ம்

ஒவ்வொரு வாக்குகளுக்கும்
இவ்வளவுதான் விலையென
அற்ப பெருள்கொடுத்து
அடகுபிடிக்கும் தரகர்கள்

ஏமாந்த கோமாளிகளாய்
கவர்ச்சிப் பொம்மைகளுக்கு
எதிர்காலத்தை சூனியமாக்கி
விலைபோகும் அரசியல் பாமரர்கள்

நடிகர் கூட்டங்களின்
நாடக அரங்கேற்றங்கள்
அரசியலிலும் கதை வசனங்களால்
கற்பனைகளாகும் மக்களின் எதிர்பார்ப்புகள்

எல்லேரும் அவர்களாகிட
எவர்தான் நேர்மையாளன்? எனும் கேள்வியோடு
அமைதியிலும் அர்த்தமற்று
அவதியுறும் சமூகங்கள்

நேர்மை அரசியலொன்றுக்காய்
சிந்தித்திடாத இளைஞர்கூட்டங்கள்
ரசிகர் மன்றங்களோடு
நடைப்பிண மனிதங்கள்

சுயநலமற்ற சமத்துவத்துடன்
சுத்தமான சுதந்திரக்காற்றாய்
எதிர்கால இளசுகளுக்கு
வேண்டுமின்று அரசியலில் நேர்மை....

by **நிலா** Sat 26 Mar 2011 - 10:16

உலக அரசியலில் எங்கப்பா உள்ளது நேர்மை
சான்சே இல்லை நமக்கு ????? அரசியல்

by **நேசமுடன் ஹாசிம்** Sat 26 Mar 2011 - 13:37

நல்ல கவிதை வாழ்த்துகள்

by **நண்பன்** Sat 26 Mar 2011 - 13:40

சுயநலமற்ற சமத்துவத்துடன்
சுத்தமான சுதந்திரக்காற்றாய்
எதிர்கால இளசுகளுக்கு
வேண்டுமின்று அரசியலில் நேர்மை....

கவிதை வரிகள் அருமை
சாக்கடை அரசியல் வாதிக்கு
சாட்டையடி வாழ்த்துக்கள்