இறுதி போட்டியில் விளையாடுவேன்: முரளிதரன்

by **நேசமுடன் ஹாசிம்** Fri 1 Apr 2011 - 18:41

இலங்கை அணியில் காயம் அடைந்துள்ள சுழற்பந்து வீச்சாளர் முத்தையா முரளிதரன் நாளை நடைபெறும் உலகக் கோப்பை இறுதிப் போட்டியில் விளையாடுவதாக தெரிவித்துள்ளார்.
தசைநார் அழற்சி, தசைப்பிடிப்பு, முழங்கால் மூட்டில் காயம் என பல்வேறு உபாதைகளால் அவதிப்பட்டு வரும் முரளிதரன், வலியையும் பொருட்படுத்தாமல் நியூசிலாந்துடனான அரை இறுதியில் களமிறங்கி விளையாடினார்.

சொந்த மண்ணில் விளையாடிய கடைசி போட்டி என்பதால், அதில் விளையாடுவதில் முரளி மிகவும் பிடிவாதமாக இருந்தார். முழு உடல்தகுதி இல்லாத நிலையில், மும்பையில் நாளை இந்தியாவுடன் நடக்கவுள்ள இறுதிப் போட்டியில் அவர் விளையாடுவது கேள்விக் குறியாகி இருந்தது.

இந்நிலையில் நாளை நடைபெறும் போட்டியில் விளையாடப் போவதாக முரளிதரன் அறிவித்துள்ளார்.