மிகப்பெரிய மலர்

by **நண்பன்** Thu 14 Apr 2011 - 17:00

ஆசியாவில் பொதுவாக இந்தோநேசியாவின் சுமத்திரா காட்டுப்பகுதியில் உள்ள titan arum தாவரம் உலகில் மிகப்பெரிய மலர்களை கொண்டுள்ளது. இந்த titan arum தாவரம் தனி ஒரு மலரை மட்டுமே கொண்டுள்ள போதிலும் காலத்திற்குகாலம் பூக்கின்றது. இதனை தாவரவியலில் Talipot palm இன் இனவகையில் சேர்த்துள்ளனர். சராசரி titan arum இன் மலர் 10 அடி(3 மீற்றர்) உயரம் , 3 இலிருந்து 4 அடி சுற்றளவு உடையதாகவும் இதன் வாசனை அழுகிய மீன் மணத்தை ஒத்ததாக உள்ளன. இந்த தாவரம் உலகிலுள்ள பல தாவரவியல் பூங்காக்களிலும் முக்கியம் கருதி வளர்க்கப்படுகின்றது.

இந்த மலர் இத்தகைய இராட்சத அளவில் உள்ளபோதிலும் மற்றய சிறிய மலர்களில் நிகழக்கூடிய சிறிய பூச்சியினம் மூலமான மகரந்த காவுதல் மூலமாக மட்டுமே இனப்பெருக்கம் நடைபெறுகின்றது. அப்படியாகின் ஏன் இந்த மலரை இவ்வாறு பிரமாண்டமாக இயற்கை படைத்துள்ளது என்பதற்கான பதில் பின்வருமாறு உள்ளது.

அதாவது , மிகவும் அரிதாகவும் 3 ஆண்டுகளுக்கு ஒருமுறை மலரும் இந்த தாவரம் பல மைல் இடைவெளியில் தான் ஈரவலய காடுகளில் காணப்படுகின்றனவாம். இவ்வாறு பல மைல் இடைவெளிகளில் இருக்கும் மலர்களினால் மணம் பரப்பி மைல் தூரத்திலுள்ள வண்டு அல்லது பூச்சிகளை கவர்வது இலகுவானதல்ல. எனவே இவை வெளிச்சவீடு அல்லது புகைபோக்கி போன்று நிலைத்து நின்று வழிகாட்டுகின்றன என காரணம் சொல்லபடுகின்றது