மூன்று சம்பவங்களில் ஐந்து பேர் கொலை

நாட்டின் வெவ்வேறு இடங்களில் நேற்று இடம்பெற்ற மூன்று சம்பவங்களில் ஐவர் கொலை செய்யப்பட்டுள்ளனர்.

புல்மோட்டை, தங்காலை மற்றும் கட்டுநாயக்கா ஆகிய இடங்களிலேயே இக்கொலைகள் இடம்பெற்றிருப்பதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் பிரிசாந்த ஜயக்கொடி தெரிவித்தார்.

வயதான தம்பதியினர் இருவர் நேற்று அதிகாலை இனந்தெரியாத கும்பலொன்றி னால் வெட்டியும் குத்தியும் கொலை செய்யப்பட்டுள்ளனர். புல்மோட்டை மஹசேன்புர பகுதியிலுள்ள அவர்களது வீட்டுக்குள் வைத்தே இவர்கள் கொலை செய்யப்பட்டுள்ளனர். சம்பவத்தில் முத்து பண்டார (80) என்பவரும் அவரது மனைவியான சோமிநோநா (65) என்பவருமே கொல்லப்பட்டுள்ளனர்.

அயலவர்கள் பொலிஸாருக்கு வழங்கிய தகவலையடுத்தே பொலிஸார் சடலங்களை மீட்டு விசாரணைகளை முன்னெடுத்து வருகின்றனர்.

தங்காலையில் நேற்று நண்பகல் 1.20 மணியளவில் சைக்கிளில் சென்று கொண்டிருந்த இரு இளைஞர்கள் துப்பாக்கியால் சுட்டு கொலை செய்யப்பட்டுள்ளனர்.

திஸ்ஸமஹாராம பிரதான வீதியில் சென்று கொண்டிருந்தபோதே இவர்கள் சுடப்பட்டுள்ளனர். இளைஞர்கள் வைத்தியசாலைக்கு கொண்டு சென்றதன் பின்னரே உயிரிழந்துள்ளனர்.

தங்காலையைச் சேர்ந்த திலங்க சம்பத் (24) மற்றும் தரங்க குமார (25) ஆகியோரே சம்பவத்தில் கொல்லப்பட்டுள்ளனர். கட்டுநாய க்க பொலிஸ் பிரிவிற்குட்பட்ட வல்பல ஆடிஅம்பலம பிரதேசத்தில் பொல்லால் தாக்கி ஒருவர் கொலை செய்யப்பட்டுள்ளார். கொல்லப்பட் டவர் அப்பகுதியை பிறப்பிடமாகக் கொண்ட சுரவீர ஆரச்சிகே (40) என்பவராவார். தனிப்பட்ட தகராறு காரணமாகவே இக் கொலை இடம்பெற்றிருப்பதாக தெரிவித்த பொலிஸார் விசாரணைகளை ஆரம்பித்தனர்.

இக்கொலைகள் தொடர்பாக நேற்றுவரை எந்தவொரு சந்தேகநபரும் கைது செய்யப்படவில்லை.

{)) {)) {))

{)) :!.: {))