50 தொன் காய்கறி வகைகள் குப்பைத் தொட்டியில்

by **நேசமுடன் ஹாசிம்** Thu 21 Apr 2011 - 12:22

முள்ளங்கி, புடலங்காய், வெண்டிக்காய், பசலிக் கீரை உட்பட காய்கறி வகைகளின் விலை விற்பனை செய்ய முடியாதளவுக்கு வீழ்ச்சியடைந்துள்ளதால் கொழும்பு மெனிங் சந்தையில் சுமார் 50 தொன் காய்கறி வகைகள் குப்பைத் தொட்டியில் வீசப்பட்டன.

பீர்க்கங்காய், பூசனிக்காய் (வட்டக்காய்) சலாது இலை, வெள்ளரிக்காய் போன்ற காய்கறிகளின் விலை வெகுவாக வீழ்ச்சியடைந்து ள்ளதுடன் பாவனையாளர்கள் எவரும் இவற்றை கொள்முதல் செய்ய முன்வரவில்லை.

இதனால் நேற்று சுமார் 40 முதல் 50 தொன் வரையிலான காய்கறி வகைகள் வீசப்பட்டன.

மெனிங் சந்தையில் நேற்றைய நிலவரப்படி லீக்ஸ் கிலோ ஒன்று 25 ரூபா முதல் 30 ரூபா வரையிலும், கறி மிளகாய் 60/= போஞ்சி 30 முதல் 40 ரூபா வரையிலும் குறைந்துள்ளது. தினமொன்றுக்கு மெனிங் சந்தைக்கு சுமார் 75 லொறிகள் காய்கறி வகைகளுடன் வருகின்றன. சுமார் 10,000 தொன் வரையிலான காய்கறி வகைகள் கொண்டு வரப்படுகின்றன.

காய்கறி வகைகளின் உற்பத்தி அதிகரித்துள்ளதுடன் கொள்முதல் செய்யும் வீதமும் வெகுவாக குறைந்தமையே விலை வீழ்ச்சிக்கு காரணம் என மெனிங் சந்தை வியாபாரிகள் சங்கத்தின் பிரதான அமைப்பாளர் சந்தனரத்ன தெரிவித்தார்.

விற்பனை செய்ய முடியாதளவு காய்கறி வகைகளின் விலை வீழ்ச்சியடைந்ததும், சுமார் 50 தொன் காய்கறிகள் வீசும் நிலை ஏற்பட்டமை இதுவே முதல் தடவை எனவும் அவர் தெரிவித்தார்.