வெள்ளைக்கொடி வழக்கில் சரத் பொன்சேகாவின் சாட்சியத்துக்காக அரசாங்கம் காத்திருப்பு

வெள்ளைக்கொடி விவகாரம் தொடர்பான வழக்கில் சரத் பொன்சேகா எவ்வாறான சாட்சியத்தை அளிக்கப் போகின்றார் என்பதை அறிந்து கொள்ள அரசாங்கம் தீவிர ஆர்வம் காட்டுகின்றது.
வெள்ளைக் கொடி விவகாரம் தொடர்பான வழக்கு எதிர்வரும் மே மாதம் 04ம் திகதி மீண்டும் விசாரணைக்கு எடுத்துக் கொள்ளப்படவுள்ளது. அதன் போது ஐக்கிய நாடுகள் நிபுணர் குழுவின் அறிக்கைக்கு சாதகமான வகையிலான கருத்துக்களை சரத் பொன்சேகாவின் சாட்சியத்தினூடாக வெளிப்படுத்தி விடாமல் தடுத்துக் கொள்வதில் அரசாங்கம் தீவிர முனைப்புக் காட்டுகின்றது.

அது தொடர்பாக ஜனாதிபதி மஹிந்த ராஜபக்ஷவே நேரடியாக கவனம் செலுத்தியிருப்பதுடன் புலனாய்வுப் பிரிவினரையும் களத்தில் இறக்கியுள்ளார்.

அதுமட்டுமன்றி சரத் பொன்சேகா மற்றும் அனோமா பொன்சேகா தரப்புக்கு நெருக்கமான எதிர்க்கட்சிப் பாராளுமன்ற உறுப்பினர்களையும் வலைக்குள் போட்டுக்கொண்டுள்ள ஜனாதிபதி, வழக்கு விசாரணையின் போது சரத் பொன்சேகா எவ்வகையான கருத்துக்களை வெளியிடவுள்ளார் என்பது குறித்து அறிந்து கொள்வதில் கடும் ஆர்வம் காட்டுகின்றார்.

அதுமட்டுமன்றி அரசாங்கம் மற்றும் இராணுவத்தினருக்கு பாதிப்பான வகையிலான சாட்சியமொன்றை இன்றைய தருணத்தில் அளித்து விட வேண்டாம் என்றும் சரத் பொன்சேகாவுக்கு அழுத்தம் கொடுக்குமாறும் ஜனாதிபதி மஹிந்த பௌத்த மகாநாயக்கர்களை வேண்டிக் கொண்டுள்ளார்.

பான் கீ மூன் குழுவின் அறிக்கையை மலினப்படுத்தும் நோக்கில் சரத் பொன்சேகாவை விடுதலை செய்து அவரையும் இணைத்துக் கொண்டு நிபுணர் குழு அறிக்கைக்கு எதிரான பிரச்சாரத்தை மேற்கொள்வது குறித்து ஜனாதிபதிக்கு விருப்பம் இருக்கின்ற போதிலும், சரத் பொன்சேகாவை விடுதலை செய்யும் விடயத்தில் பாதுகாப்புச் செயலாளர் கோத்தாபய ராஜபக்ஷ கடும் எதிர்ப்பை வெளிப்படுத்தி வருகின்றமை அதற்குத் தடையாக இருக்கின்றதாகவும் தகவல்கள் வெளியாகியுள்ளன.

நன்றி சிகரம் பகிர்விற்க்கு ##*