ETF அங்கத்தவர்களின் பிள்ளைகளுக்கு புலமைப்பரிசில்

by **நேசமுடன் ஹாசிம்** Fri 29 Apr 2011 - 8:58

2010 ஆம் ஆண்டின் 5 ஆம் ஆண்டு புலமைப் பரிசில் பரீட்சையில் சித்தியடைந்த ஊழியர் நம்பிக்கை பொறுப்பு நிதியச் சபையின் உறுப்பினர்களின் பிள்ளைகளுக்கு புலமைப் பரிசில் வழங்கும் நிகழ்வு எதிர்வரும் 30 ஆம் திகதி அலரி மாளிகையில் ஜனாதிபதி மஹிந்த ராஜபக்ஷ அவர்களின் தலைமையில் நடைபெறும்.

5 ஆம் ஆண்டு புலமைப் பரீட்சையில் மாவட்ட அடிப்படையில் அதிக புள்ளிகளைப் பெற்ற ஊழியர் நம்பிக்கை பொறுப்பு நிதியச் சபையின் உறுப்பினர்களின் புதல்வர்கள் புதல்வியர்கள் 5000 பேர் புலமைப் பரிசில் பெறுவதற்கு தகைமை பெற்றுள்ள அதேநேரத்தில் இவர்கள் மத்தியில் 400 பேர் ஜனாதிபதியிடம் புலமைப் பரிசில்களைப் பெற்றுக்கொள்ள இருக்கின்றனர்.

புலமைப் பரிசில் பெறுகின்ற ஒரு பிள்ளைக்கு 15,000 ரூபா பணம் வழங்கப்படுகின்ற அதே நேரத்தில் இத் தொகை மக்கள் வங்கியில் சிசு உதான கணக்கில் வைப்பிலிடப்படும்.

ஊழியர் நம்பிக்கை பொறுப்பு நிதியச் சபையின் உறுப்பினர்களின் பிள்ளைகளை ஊக்குவிக்கும் நோக்கில் 1994 ஆம் ஆண்டில் ஜனாதிபதி மஹிந்த ராஜபக்ஷ அவர்கள் தொழில் அமைச்சராக இருந்த போது இப்புலமைப் பரிசில் நிகழ்ச்சித்திட்டம் ஆரம்பிக்கப்பட்டது.