தாக்குதல் நடத்துவோம்: தலிபான்கள் எச்சரிக்கை

அல்குவைதா தலைவர் ஒசாமா கொல்லப்பட்டதற்காக அமெரிக்காவும், பாகிஸ்தானும் கடும் விளைவுகளை சந்திக்க நேரிடும் என தாலிபன் பயங்கரவாத இயக்கம் எச்சரிக்கை விடுத்துள்ளது.
அமெரிக்க மற்றும் பாகிஸ்தான் அரசையும், அவற்றின் படைகளையும் குறிவைத்து தாக்குதல் நடத்தப்படும் என தாலிபன் செய்தி தொடர்பாளர் இசானுல்லா இசான் மிரட்டல் விடுத்துள்ளான்.

மேலும் குடோஸ் என்பவர் கூறுகையில்,"பின்லேடன் கொல்லப்பட்டதால் ஜிகாதுக்கு எந்த மாற்றமும் வந்து விடாது. அல் கொய்தாவின் தலைவர் ஒசாமா. ஜிகாதில் அவர் சக்திவாய்ந்தவர். அவரது இழப்பு முஜாகிதீனுக்கு பெரிய வேதனையாக இருக்கும். ஆனால் பின்லேடனின் மரணம் ஜிகாதை நிறுத்தி விடாது. முஸ்லீம் அல்லாதவர்களிடம் இருந்து நமது இடத்தை விடுவிக்கும் வரை போராட்டம் தொடரும்" எனத் தெரிவித்தார்.

பின்லேடனின் மறைவுக்கு பழிவாங்கும் நடவடிக்கையாக தனது அமைப்பினர் புதிய நடவடிக்கை ஒன்றை தொடங்கத் திட்டமிட்டுள்ளதாகக் தெரிவித்த அவர், இதே போன்ற நடவடிக்கையை பல்வேறு அமைப்பினரும் தொடங்க உள்ளனர் என்றார்.

பின்லேடன் கொல்லப்பட்ட செய்தி உண்மையானது தானா என்பது குறித்து தலிபான்களிடையே ஏராளமான சந்தேகங்கள் உள்ளதாக தலிபான் அமைப்பைச் சேர்ந்த ஒருவர் தெரிவித்தார்.

எனினும் அவர் இறந்திருந்தால் அது எங்களது போராட்டத்தில் எந்த வித மாற்றத்தையும் ஏற்படுத்தும் எனக் கருதவில்லை என்றார்.

:”@:

நன்றி சிகரம் ##*