சூப்பர் ஸ்டார் ரஜினிகாந், உடல்நலக் குறைவால், மீண்டும் வைத்திய சாலையில் அனுமதி

by **நேசமுடன் ஹாசிம்** Thu 5 May 2011 - 10:23

சூப்பர் ஸ்டார் ரஜினிகாந், உடல்நலக் குறைவால், மீண்டும் வைத்திய சாலையில் அனுமதிக்கப்பட்டுள்ளார். இவ்வாறு அனுமதிக்கப்பட்டுள்ள ரஜினிகாந்துக்கு வைத்தியர்களினால் தீவிர சிகிச்சை அளிக்கப்படுவதாகத் தமிழகத் தகவல்கள் தெரிவிக்கின்றன.

ரஜினிகாந்த் நடிக்கும் “ராணா” படப்பிடிப்பு கடந்த 29-ந்தேதி ஏ.வி.எம்.ஸ்டூடியோவில் துவங்கியது. கதாநாயகியாக வரும் தீபிகா படுகோனேயும் இதில் பங்கேற்றார். படப்பிடிப்பு குழுவினருடன் ரஜினி சிற்றுண்டி சாப்பிட்டார். இதன் பின் அவருக்கு அஜீரண கோளாறு ஏற்பட்டு வைத்தியசாலையில் அனுமதிக்கப்பட்டார். பின் வீடு திரும்பி ஓய்வு எடுத்து வந்த நிலையில், நேற்று இரவு 8.30 மணிக்கு ரஜினி மீண்டும் உடல்நலக்குறைவு ஏற்பட்டது. உடனடியாக இசபெல்லா ஆஸ்பத்திரியில் அனுமதித்தனர்.

அங்கு அவசர சிகிச்சை பிரிவில் வைத்து டாக்டர்கள் சிகிச்சை அளித்தனர். உடலில் நீர்ச்சத்து குறைந்ததாகவும் காய்ச்சல் அடிப்பதாகவும் கூறப்பட்டது. காலிலும் லேசான வீக்கம் காணப்பட்டது. நீரிழிவு சிகிச்சை நிபுணர் டாக்டர் கிருஷ்ணசாமி சிகிச்சை அளித்தார். தொடர்ந்து அவருக்கு தீவிர சிகிச்சை அளிக்கப்பட்டு வருகிறது. ரஜினிக்கு வைரஸ் காய்ச்சல் இருப்பதாகவும், 3 நாட்கள் ஓய்வு எடுக்கும்படியும் அறிவுறுத்தியுள்ளதாகவும் டாக்டர்கள் தெரிவித்தனர். ரஜினி மனைவி, மகள்கள் உடன் இருந்து கவனித்து வருகிறார்கள். திரையுலக பிரமுகர்கள் நேரில் சென்று உடல்நலம் விசாரித்தனர்.