சேவல்- கோழி செக்ஸ் உறவுக்கு அமெரிக்க நகரில் புதிய சட்டம்

by **நேசமுடன் ஹாசிம்** Tue 10 May 2011 - 11:33

கோழியும் சேவலும் எப்படி மற்றும் எப்போது செக்ஸ் உறவு கொள்ள வேண்டும் என்பது தொடர்பாக புதிய சட்டவிதிகளை அமெரிக்காவின் நியூ ஜேர்ஸி மாநிலத்திலுள்ள நகரமொன்று ஏற்படுத்தியுள்ளது.

ஹோப்வெல் நகர நிர்வாகிகள் அறிமுகப்படுத்தியுள்ள புதிய சட்டவிதியின்படி அரை ஏக்கர் நிலம் கொண்டவர்கள் அவற்றில் 6 கோழிகள் வரை வளர்க்கலாம்.

சேவல்களும் கோழிகளும் வருடத்தில் 10 நாட்களுக்கு மட்டுமே செக்ஸ் உறவு கொள்ள முடியும்.

அத்துடன் ஜோடி சேருவதற்கு முன் கோழிகள் தமக்கு தொற்றுநோய் எதுவுமில்லை என்பதை நிரூபிக்க வேண்டுமாம். ஜோடி சேரும்போது அதிக சத்தமிடவும் கூடாது.

இந்த சட்டத்தினை ஹோப்வெல் நகர சபை ஏகமனதாக நிறைவேற்றியுள்ளதாக உள்ளூர் பத்திரிகையொன்று தெரிவித்துள்ளது.

இவர்கள் உண்மையாகவே கோழிகளை பற்றி பேசுகிறார்களா அல்லது வேறு அர்த்தத்தில் எதையும் சொல்கிறார்களா என பலர் குழம்பியுள்ளனர்.

ஆனால், நியூ ஜேர்ஸி மாநிலத்தில் வீட்டுப் பண்ணைகள் விவகாரம் சர்ச்சைக்குரியதொன்றாக உள்ளமை குறிப்பிடத்தக்கது.

இந்த புதிய சட்டவிதிகள் இன்றைய வாழ்க்கை முறைக்கும் நகரின் விவசாய பாரம்பரியத்திற்கும் இடையிலான சமரச நடவடிக்கையாகும் என ஹோப்பெல் நகர மேயர் ஜிம் பர்ட் தெரிவித்துள்ளார்.