மர்ம நோய்: ஒரிசாவில் 10 குழந்தைகள் உள்பட 16 பேர் பலி

by *சம்ஸ் Wed 18 May 2011 - 13:45

ஒரிசா மாநிலம் மால்கன்கிரி மாவட்டத்தில் உள்ள தொலைதூர கிராமங்களில் மர்ம காய்ச்சல் பரவி வருகிறது.
கடந்த 10 நாட்களில் மட்டும் இந்த காய்ச்சலுக்கு 10 குழந்தைகள் உள்பட 16 பேர் பலியாகியுள்ளனர். இந்த நோய் பாதிக்கப்பட்டவர்களின் உடல் முழுவதும் கட்டிகள் உருவாகி கடுமையான காய்ச்சல் ஏற்படுகிறது.

மர்ம நோய் பரவி வரும் கிராமங்கள், தொலைதூர கிராமங்கள் என்பதால் முறையான மருத்துவ வசதி கிடைக்காமல் நாட்டு மருத்துவர்களையே கிராம மக்கள் நம்பியுள்ளனர். ஆந்திராவிலிருந்து இந்த நோய் பரவியதாக கிராம மக்கள் தெரிவிக்கின்றனர்.

தகவல் அறிந்த மாவட்ட சுகாதார துறையினர், சிறப்பு மருத்துவர்கள் குழுவை பாதிக்கப்பட்ட கிராமங்களுக்கு அனுப்பியுள்ளது. அவர்கள் மேற்கொண்ட ஆய்வில் மர்ம நோய் ஆந்த்ராக்ஸ் வகையை சேர்ந்ததாக இருக்கலாம் என்ற சந்தேகம் எழுந்துள்ளது. இருப்பினும் முழுமையான சோதனைக்குப் பின்னரே மர்ம காய்ச்சல் குறித்து முழு விவரங்கள் கிடைக்கும் என மாவட்ட மருத்துவ அதிகாரி சி.எச்.பிரபாகர் தெரிவித்தார்.

by **மீனு** Wed 18 May 2011 - 13:47

இப்போதெல்லாம் வரும் நோய்களை மருத்துவர்களே கண்டு பிடிக்க முடியாமல் முழிக்கிறார்கள் அதிர்ச்சி

மர்ம நோய்: ஒரிசாவில் 10 குழந்தைகள் உள்பட 16 பேர் பலி

மர்ம நோய்: ஒரிசாவில் 10 குழந்தைகள் உள்பட 16 பேர் பலி

Re: மர்ம நோய்: ஒரிசாவில் 10 குழந்தைகள் உள்பட 16 பேர் பலி