நாடு முழுவதிலும் 3740 கி. மீ வீதிகள் கார்ப்பட் இட்டு புனரமைப்பு

by **நேசமுடன் ஹாசிம்** Thu 19 May 2011 - 13:09

நாட்டின் சகல மாவட்டங்களையும் உள்ளடக்கியதாக மாகாண சபைகளுக்குரிய சுமார் 3740 கிலோ மீற்றர் வீதிகள் கார்ப்பட் செய்யப்பட்டு புனரமைக்கப்ப டவுள்ளன.

ஜனாதிபதி மஹிந்த ராஜபக்ஷ அவர்களின் பணிப்பிற்கமைய பொருளாதார அமைச்சர் பசில் ராஜபக்ஷ இத்திட்டத்தை உடனடியாக நாடு முழுவதும் நடைமுறைப்படுத்த ஆரம்பித்துள்ளார்.

இதன்படி, ஒவ்வொரு மாவட்டத்திலும் தெரிவு செய்யப்பட்ட 25 கிலோ மீற்றர் வீதி கார்ப்பட் செய்யப்பட்டு புனரமைக்கப்படவுள்ளன.

மாகாண சபைகளுக்குரிய வீதிகள் புனரமைப்பு மற்றும் பராமரிப்பு நடவடிக்கைகளை மாகாண சபைகளே பொறுப்பேற்க வேண்டும். எனினும் மாகாணத்தில் ஏனைய அபிவிருத்தி நடவடிக்கைகளுடன் வீதி புனரமைப்பு வேலைகளையும் செய்யும்போது வீதி அபிவிருத்திக்கு நிதி மட்டுப்படுத்தப்பட் டதாகவே அமைகிறது.

இதனை கருத்திற்கொண்டே மாகாண சபைக்குரிய வீதிகளை கார்ப்பட் முறையில் புனரமைக்க பொருளாதார அபிவிருத்தி அமைச்சு முடிவு செய்துள்ளது.

பொருளாதார அபிவிருத்தி அமைச்சர் பசில் ராஜபக்ஷ ஆரம்பித்துள்ள இத்திட்டத்தின் கீழ் கம்பஹா மாவட்டத்தில் 325 கிலோ மீற்றர் வீதி புனரமைக்கப்படுகிறது.

கொழும்பு மாவட்டத்தில் 167 கி. மீற்றர், களுத்துறை மாவட்டம் 203 கி. மீ, புத்தளம் மாவட்டம் 210 கி. மீ, குருணாகல் மாவட்டம் 375 கி. மீ., பதுளை மாவட்டம் 248 கி. மீ, அனுராதபுரம் மாவட்டம் 267 கி. மீ, மொனராகலை 165 கி. மீ, கண்டி மாவட்டம் 309 கி. மீ, இரத்தினபுரி மாவட்டம் 275 கி. மீ, மாத்தளை மாவட்டம் 128 கி. மீ, காலி மாவட்டம் 310 கி. மீ, அம்பாந்தோட்டை 126 கி. மீ, மாத்தறை மாவட்டம் 205 கி. மீ, பொலன்னறுவை மாவட்டம் 125 கி. மீ, கேகாலை மாவட்டம் 302 கி. மீ அபிவிருத்தி செய்யப்படவுள்ளன. வடக்கு, கிழக்கு மாகாண வீதிகள் யாவும், ‘வடக்கின் வசந்தம்’, ‘கிழக்கின் உதயம்’ போன்ற திட்டங்களின் கீழ் அபிவிருத்தி செய்யப்படுகின்றன. இத்திட்டங்களைப் பொருளாதார அபிவிருத்தி அமைச்சர் பசில் ராஜபக்ஷ ஆரம்பித்துவைத்தார். இத்திட்டங்கள் யாவும் அரச நிறுவனங்களே பொறுப்பேற்றுள்ளன.

வீதிகள் கார்ப்பட் செய்வதுடன் தேவையான அளவு அகலப்படுத்தப்படுவது டன் வடிகாலமைப்பு இருபக்க பாதுகாப்பு சுவர்கள் அமைக்கவும் குறிப்பிட்ட கால நேரத்தினுள் இவற்றை செய்து முடிக்குமாறும் அமைச்சர் பசில் ராஜபக்ஷ பணிப்புரைகள் வழங்கியுள்ளார்.

அரசாங்க அபிவிருத்தி மற்றும் நிர்மாணத் துறை கூட்டுத்தாபனம், இலங்கை பொறி யியல் கூட்டுத்தாபனம், கம நெகும, வீதி அபிவிருத்தி அதிகார சபை மற்றும் மாகாண வீதி அபிவிருத்தி அதிகார சபை போன்ற நிறுவனங்கள் இத்திட்டத்தில் இணைந்து செயற்படுகின்றன.