காதலில் “கில்லாடி”களாக விளங்கும் பறவைகள்: சுவாரஸ்ய தகவல்!

மனிதர்கள் மட்டுமன்றி சில பறவைகளும் காதலில் கில்லாடிகள்தான். அவை ஏகபத்தினி விரதனாக இருப்பது அரிது. பறவை இனங்களும் – மனிதனைபோல ஆயுள் வரையில்லாவிட்டாலும் – முட்டையிட்டு குஞ்சு பொரிக்கும் ஒரு பருவத்தில் மட்டுமாவது இணை பிரியாமல் வாழ்கின்றனவா என ஆராய்ந்ததில் அப்படியில்லை என்றும் ஆச்சரியமான சில உண்மைகள் கண்டறியப்பட்டன.

குயில் கூட்டில் உள்ள நான்கு குஞ்சுகளைப் பரிசோதித்ததில் இரண்டு குஞ்சுகள் மட்டுமே ஒரே பெற்றோரின் குஞ்சுகள் எனத் தெரிய வந்தது. மற்ற இரண்டு குஞ்சுகளின் தாயோ, தந்தையோ அல்லது இரண்டுமே வேறெனத் தெரிந்தது. எனவே பாடும் பறவைகள் (மற்ற பறவைகளும் கூட) வெவ்வேறு துணையுடன் இணைய வாய்ப்புள்ளதென்றும் இது இயல்பானதுதான் என்றும் தெரிகிறது.

ஒரு கூட்டிலிருக்கும் குஞ்சுகள் கலப்பு பெற்றோர்களின் சந்ததியாக அமையவும் வாய்ப்பிருக்கிறது. சில பறவைகள் உதாரணத்திற்கு ராஜாளி வகையைச் சேர்ந்த பருந்து ஜோடிகள் தங்கள் வம்சத்தை விருத்தி செய்ய முடியவில்லை என உணர்ந்தால் தன் இணைப் பறவையைப் பிரிந்து வேறு துணையைத் தேடிக் கொள்கின்றனவாம்.

ஆனாலும் வாத்துகள், அன்னப் பறவைகள் மற்றும் சில வகை கடல் பறவைகள் தங்கள் துணையை மாற்றிக் கொள்ளாமல் வாழ் நாள் முழுவதும் இணை பிரியாமல் உண்மையான காதலுடன் வாழ்கின்றனவாம்.

புதிய தகவல் நன்றி சம்ஸ்