மீள்குடியேற்றம், புனர்வாழ்வு, நல்லிணக்கப்பாடு தொடர்பான கேள்விகளால் அவுஸ்திரேலியாவின் கன்பரா பகுதியில்

by **veel** Wed 25 May 2011 - 22:56

மீள்குடியேற்றம், புனர்வாழ்வு, நல்லிணக்கப்பாடு தொடர்பான கேள்விகளால்
அவுஸ்திரேலியாவின் கன்பரா பகுதியில் உள்ள அவுஸ்திரேலிய தேசிய பல்கலைக்கழகத்தில் “வடபகுதியின் நிலை” என்ற தலைப்பில் நடைபெற்ற கருத்தரங்கில் நாடாளுமன்ற உறுப்பினர் ரஜீவ விஜேசிங்க உரையாற்றியுள்ளதாக தெரிவிக்கப்படுகிறது.
அவுஸ்திரேலியாவில் உள்ள இலங்கை தூதரகத்தின் ஏற்பாட்டில் கடந்த 23 ஆம் திகதி “வடபகுதியின் நிலை” என்ற தலைப்பில் இந்த கருத்தரங்கு ஒழுங்கு செய்யப்பட்டிருந்தது.

ரஜீவ விஜேசிங்க உரையாற்றிய பின்னர் அங்கு கூடியிருந்தவர்கள் எழுப்பிய கேள்விகளால் அவர் பெரும் பதற்றத்திற்கு உள்ளாகியதாக தெரிவிக்கப்படுகின்றது.

மீள்குடியேற்றம், புனர்வாழ்வு, நல்லிணக்கப்பாடு தொடர்பான அந்த கேள்விகளால் பெரும் பதற்றமடைந்த விஜயசிங்காவின் நிலையை உணர்ந்த நிகழ்ச்சி ஏற்பாட்டாளர்கள், யாரும் கேள்விகள் கேட்க முடியாது என அறிவித்துள்ளனர்.

எனினும், கலாநிதி வைலி சேனாநாயக்க என்பவர் இடம்பெயர்ந்த மக்கள், புதுடில்லியில் பீரீஸ் வெளியிட்ட அறிக்கை உட்பட மூன்று கேள்விகளை விரைவாக முன்வைத்திருந்தார்.

ஆனால் அந்த கேள்விகள் எதற்கும் தெளிவான பதிலை வழங்காமல் அங்கு அதிகநேரம் நிற்பதை தவிர்த்துக்கொண்ட விரைவாக கருத்தரங்கை விட்டு வெளியேறியதாக தெரிவிக்கப்படுகின்றது.