மரநாயின் எச்சத்திலிருந்து உருவாகும் விலையுயர்ந்த கோப்பி (வீடியோ இணைப்பு)

உலகில் அதிகமானோரால் விரும்பிப் பருகப்படும் பானமாக திகழ்வது கோப்பியாகும்.

இவ்வாறு விரும்பி அருந்தப்படும் கோப்பி வகைகளில் பல வகைகள் உண்டு.

எனினும் உலகில் விலையுயர்ந்த கோப்பி வகை எதுவென்று உங்களுக்கு தெரியுமா?

அது எவ்வாறு தயாரிக்கப்படுகின்றது என்பது உங்களுக்கு தெரியுமா? அத் தகவல் சற்று சுவாரஸ்யமானது.

இவ்வகை கோப்பியின் பெயர் ' கோபி லுவாக்' Kopi Luwak.

இவை இந்தோனேசியாவின் சுமாத்ரா, பாலி , ஜாவா மற்றும் சுலாவெசி தீவுகளிலேயே உற்பத்தி செய்யப்படுகின்றன.

பிலிப்பைன்ஸ் மற்றும் கிழக்கு தீமோரிலும் இவை உற்பத்தி செய்யப்படுகின்ற போதிலும் அங்கே இது 'மொடிட் கொபி' motit coffee மற்றும் 'கெபே லாகு' kaf�-laku என அழைக்கப்படுகின்றன.

ஆம், இக் கோப்பியானது ஆசிய மரநாய் எனப்படும் புழுகுப்பூனைக் குடும்பத்தைச் சேர்ந்த விலங்கின் கழிவிலிருந்து பெறப்பட்ட கோப்பிக் கொட்டைகளில் இருந்தே தயாரிக்கப்படுகின்றது.

இவ்விலங்குகளுக்கு பழுத்த கோப்பிக் கொட்டைகள் உணவாக வழங்கப்படுகின்றன.

வழங்கப்பட்ட அக் கோப்பிக்கொட்டைகள் இவ்விலங்குகளின் வயிற்றில் செரிமானம் ஆகாமல் கழிவாக வெளியேறுகின்றன.

இவ்வாறு கழிவுகளாக வெளியாகிய கோப்பிக் கொட்டைகள் கழுவி சுத்தப்படுத்தப்பட்டு வறுக்கப்பட்டு பின்னர் கோப்பித் தூளாக மாற்றப்படுகின்றது.

இக் கோப்பிக்கென வெளிநாட்டில் அதிக கேள்வியுள்ளது.

இக் கோப்பி கோப்பையொன்றின் சராசரி விலை 50 அமெரிக்க டொலர்கள் அல்லது அதற்கும் அதிகமாகும்.

இதேவேளை இதேபோன்று தயாரிக்கப்படும் இந்தோனேசியாவின் வீசெல் கோப்பி weasel coffee இன் விலை கிலோ சுமார் 6600 அமெரிக்க டொலர்களாகும்.

இவ்வகை கோப்பியின் அதிக விலைக்கான காரணம் என்னவெனில் கோப்பியின் கசப்புத்தன்மை குறைவாகும்.

அதற்கான காரணம் அப்பிராணிகளின் செரிமானத்தில் ஏற்படும் இரசாயன மாற்றங்களாகும்.

மேலும் கோப்பியில் இருக்கும் கெபையின் போதைப்பொருளின் அளவும் இக்கோப்பியில் குறைவென ஆராய்ச்சியாளர்கள் தெரிவிக்கின்றனர்.

இக் கோப்பிக்கான நிரம்பல் அதிகமாக உள்ள போதிலும் அதன் உற்பத்தியளவு குறைவாக உள்ளமையும் இதன் அதிக விலைக்கு ஓர் காரணமாகும்.

://:-: ##* :”@: