நாட்டின் அபிவிருத்திப் பணிகளுக்கு ரூ. 8963. 32 மில்லியன் பங்களிப்பு

by **நேசமுடன் ஹாசிம்** Sun 29 May 2011 - 12:30

கடந்த 5 வருட காலத்தில் தேசிய லொத்தர் சபை மற்றும் அபிவிருத்தி லொத்தர் சபை என்பன 4565.27 மில்லியன் ரூபா இலாபமீட்டியது. இக்காலப் பகுதியில் மேற்படி சபைகள் அரசின் அபிவிருத்திப் பணிகளுக்காக 8963.32 மில்லியன் ரூபா வழங்கியுள்ளன என ஆளும் தரப்பு பிரதம கொரடா அமைச்சர் தினேஷ் குணவர்தன கூறினார்.

வாய்மூல விடைக்காக ரவி கருணாநாயக்க எம்.பி. எழுப்பிய கேள்விக்கு நிதி அமைச்சர் சார்பாக பதிலளித்த அமைச்சர் மேலும் கூறியதாவது,

அபிவிருத்தி லொத்தர் சபை 2006ல் 9014.82 மில்லியனும் 2007ல் 860.06 மில்லியன் ரூபாவும் 2008ல் 731.22 மில்லியன் ரூபாவும் 2009ல் 726.18 மில்லியன் ரூபாவும் 2010ல் 1,081.82 மில்லியன் ரூபாவும் இலாபமீட்டியது. அபிவிருத்தி லொத்தர் சபையில் 218 பேர் கடமையாற்றுகின்றனர்.

தேசிய லொத்தர் சபை 2006ல் 58.32 மில்லியன் ரூபாவும் 2007ல் 70.67 மில்லியன் ரூபாவும் 2008ல் 43.04 மில்லியன் ரூபாவும் 2009ல் 45.51 மில்லியன் ரூபாவும் 2010ல் 31.63 மில்லியன் ரூபாவும் இலாபமீட்டியது. இங்கு 284 பேர் கடமையாற்று கின்றனர்.

மேற்படி நிறுவனங்கள் பொருளாதார நெருக்கடி நிலைக்கு மத்தியிலும் அதிக வருமானம் ஈட்டின. இவை நாட்டின் அபிவிருத்திக்கு பங்களித்து வருகின்றன என்று குறிப்பிட்டார்.