இலங்கையின் கருத்துக்களை பக்கச்சார்பின்றி செவிமடுங்கள்

by **நேசமுடன் ஹாசிம்** Wed 1 Jun 2011 - 22:00

அமைச்சர் மஹிந்த சமரசிங்க நவநீதம்பிள்ளையிடம் வேண்டுகோள்
பக்கச் சார்பின்றி இலங்கையின் கருத்துக்களுக்கும் செவிமடுக்குமாறு அமைச்சர் மஹிந்த சமரசிங்க மனித உரிமைகள் ஆணையாளர் நவநீதம் பிள்ளையை கேட்டுக்கொண்டுள்ளார்.

ஜெனீவா சென்றுள்ள பெருந்தோட்டத் துறை, மனித உரிமைகள் அமைச்சர் மஹிந்த சமரசிங்க ஜெனீவாவில் மனித உரிமைகள் ஆணையாளர் நவநீதம்பிள்ளையை சந்தித்து பேசும் போதே இந்த கருத்துக்களை முன்வைத்துள்ளார்.

ஐ. நா. மனித உரிமைகள் ஆணைக் குழுவுடன் இலங்கை தொடர்ந்தும் உறவுகளை வைத்திருக்கும் என்று தெரிவித்த அமைச்சர் மஹிந்த சமரசிங்க வடக்கில் மீள்குடியேற்றம் அபிவிருத்தி, வாழ்வாதார உதவிகள் வழங்கப்படுவது குறித்தும் ஐ. நா. ஆணையாளர் நவநீதம் பிள்ளைக்கு விளக்கமளித்தார்.

ஐ.நா. மனித உரிமைகள் ஆணைக் குழுவின் 17வது அமர்வில் கலந்து கொள்வதற்காகச் சென்ற அமைச்சர் மஹிந்த சமரசிங்க ஆரம்பநாள் அன்றே உரையாற்றினார். இதனைத் தொடர்ந்து இச்சந்திப்பு இடம்பெற்றதாக அமைச்சரின் ஊடகப் பிரிவு தெரிவித்தது.