சுற்றும் பூமி

by **ஹாசிம்** Wed 1 Jun 2011 - 22:38

பூமியின் சுழற்சியில்தான்
எமக்கு இரவும் பகலும்
சுழலும் பூமியை
கண்டவர் யாருமில்லை
ஆனாலும் சுற்றுகிறது பூமி

பூமி சுழன்றாலும்
நாட்கள் நகன்றாலும்
மானிடம் மாறவில்லையே
மாற்றானை சாய்த்து
தானேறி சவாரி செய்யும்
மூர்க்கத்தனம் மாறவில்லையே

அடுத்தவனின் தளம் பறித்து
தன்னாட்சிக்காய் வதை செய்யும்
மூடத்தனம் மாறவில்லையே
மாதர்களையும் பாலர்களையும்
காம வேட்கையில் பலி கொள்ளும்
வெறித்தனம் மாறவில்லையே
உழைக்காது ஒட்டுண்ணியாய்
வாழ்பவனும் மாறவில்லையே

மனிதா.... சிந்திக்க மாட்டாயா?
சுற்றும் பூமி ஒருநாள்
நின்று விடும் - அன்று
கைசேதப்படுபவன் நீயல்லவா

by **மீனு** Thu 2 Jun 2011 - 9:30

நேசமுடன் ஹாசிம்
உங்கள் சிந்தனயின்
சிதறல் மிகவும் சிறப்பு
சமூகம் உங்களை திரும்பிப் பார்க்கும்
தொடருங்கள் உங்கள்
சிந்தையினை நன்றி
அன்பு வாழ்த்துக்கள்
கவியே!

by **நண்பன்** Thu 2 Jun 2011 - 13:59

மீனு wrote:நேசமுடன் ஹாசிம்
உங்கள் சிந்தனயின்
சிதறல் மிகவும் சிறப்பு
சமூகம் உங்களை திரும்பிப் பார்க்கும்
தொடருங்கள் உங்கள்
சிந்தையினை நன்றி
அன்பு வாழ்த்துக்கள்
கவியே!

வாவ் மீனு நீங்களும் சும்மா அசத்தி விட்டீர்கள் நீங்களும் கவிதை எழுதலாமே ஹாசிம் அவர் சிறந்த கவிஞர்தான் மீனுவும் இனி கவிஞர்தான் வாழ்த்துக்கள் இருவருக்கும்.